प्रेम आधळं असतं…प्रेमात सर्व क्षम्य असतं…प्रेमासाठी काहीही… असे अनेकजण म्हणतात. मात्र, प्रेमामध्ये काही धक्कादायक किंवा आश्चर्यचकीत करणाऱ्या घटनाही घडतात.
पश्चिम बंगालच्या हुगळीमध्ये अशीच आश्चर्यचकीत करणारी घटना घडली आहे. विवाहित महिलेला लग्नाच्या 15 वर्षांनंतर फेसबुकवर प्रियकर भेटला. त्यांच्यातील प्रेम पुन्हा बहरले आणि प्रेमात वाहवत जात महिलेने दोन मुलांना सोडून प्रियकरासोबत पलायन केले आहे. पोलीस महिलेचा शोध घेत आहेत.
पश्चिम बंगलच्या हुगळीच्या रिसडामध्ये ही घटना घडली आहे. महिला बेपत्ता झाल्याचे समजताच तिच्या पतीने पोलीस ठाण्यात धाव घेत तक्रार दाखल केली. गेल्या काही दिवसांपासून पत्नी नेहमी फेसबुकवर असायची. ती एका तरुणासोबत चॅट करत होती. अचानक 14 जानेवारीला ती प्रियकरासोबत पळून गेल्याची तक्रार महिलेच्या पतीने दाखल केली आहे.
6 वर्षांची मुलगी आणि 11 वर्षांचा मुलाला सोडून ती प्रियकरासोबत पळून गेल्याचे पतीने सांगितले. महिलेच्या पतीने तक्रार दाखल झाल्यावर पोलिसांनी महिलेचा शोध घेण्यास सुरुवात केली. मात्र, अद्याप तिची कोणतीही माहित मिळाली नसल्याचे पोलिसांनी सांगितले.
आपली पत्नी तिच्या प्रियकरासोबतच पळाली आहे, असे तिच्या नवऱ्याने सांगितले. 15 वर्षांपूर्वी हुगळीच्या कोननगरमधील कविताशी आपले लग्न झाले. आमच्यातील संबंध नेहमी प्रेमाचे आणि जिव्हाळ्याचे होते. आम्हाला दोन मुलेही झाली. आमचा सुखाचा संसार सुरू असताना अचानक त्याला दुष्ट लागली.
लग्नाच्या 15 वर्षानंतर पत्नीला फेसबुकवर तिचा प्रियकर भेटला. ती त्याच्याशी सतत चॅट करत होती. आपल्याला आमच्या नात्यावर विश्वास होता. त्यामुळे आपण त्याकडे दुर्लक्ष केले. आपल्याला आणि दोन मुलांना सोडून ती पळून जाण्याचा निर्णय घेईल, असे स्वप्नातही वाटले नव्हते, असे पतीने सांगितले.
प्रियकरासोबत पळून गेलेल्या पत्नीला लवकरात लवकर शोधावे, असे पतीने पोलिसांना सांगितले. पत्नी पळून गेल्यापासून 6 वर्षांची मुलगी रडून रडून बेजार झाली आहे. आई कुठे गेली तेच तिला समजत नाही. तिला कसे समजवायचे, असा प्रश्न आमच्यापुढे उभा आहे.
महिलेला शोधण्यासाठी सर्व्हिलान्स पथकाचीही मदत घेण्यात येत आहे. तसेच त्यांच्या फेसबुक अकाऊंटवरही पोलिसांची नजर आहे. मात्र, महिलेबाबत अद्याप कोणतीही माहिती मिळालेली नाही. महिलेला लवकरात लवकर पकडण्यात येईल, असे पोलिसांनी सांगितले.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
