शिवसेनेचे माजी मंत्री तथा राष्ट्रीय चर्मकार महासंघाचे नेते बबनराव घोलप यांच्या उपस्थितीत सोलापुरात झालेल्या समाज संघटनेच्या मेळाव्यात एका तरूणाने घोलप यांच्या अंगावर काळे आॕईल फेकले. संघटनेतील स्थानिक वादातून हा प्रकार घडला.
हिराचंद नेमचंद वाचनालयाच्या ॲम्फी थिएटरमध्ये राष्ट्रीय चर्मकार संघटनेचा मेळावा आयोजिला होता. त्यावेळी घोलप यांच्यासह काँग्रेसच्या आमदार प्रणिती शिंदे, राष्ट्रीय मागासवर्गीय आयोगाच्या माजी सदस्या सुरेखा लांबतुरे, नगरसेविका संगीता जाधव, श्रीदेवी फुलारे आदींची उपस्थिती होती. त्यावेळी काही तरूणांनी गोंधळ घातला.
त्यांचा आक्षेप असा होता की, संघटनेचे स्थानिक नेते अशोक लांबतुरे व त्यांच्या पत्नी सुरेखा लांबतुरे आदींच्या छळाला कंटाळून भानुदास शिंदे यांनी चार वर्षापूर्वी शासकीय विश्रामगृहात पत्र लिहून आत्महत्या केली होती. याप्रकरणी लांबतुरे दाम्पत्यासह इतरांविरूध्द मृत शिंदे यांच्या मुलाने दिलेल्या फिर्यादीनुसार पोलिसांनी गुन्हा दाखल केला होता. त्यात सर्वांना अटकपूर्व जामीनही मिळाला होता.
या पार्श्वभूमीवर लांबतुरे दाम्पत्य राष्ट्रीय चर्मकार संघटनेच्या जबाबदारीतून मुक्त झाले होते. परंतु अलीकडे बबनराव घोलप यांनी लांबतुरे दाम्पत्याला संघटनेत पुन्हा सामावून घेतले. त्यास शिंदे कुटुंबीयांना विरोध होता.
या पार्श्वभूमीवर संघटनेच्या मेळाव्यात मृत भानुदास शिंदे यांची मुले धनराज व युवराज शिंदे यांनी मेळाव्यात गोंधळ घालत घोलप यांनाच लक्ष्य बनविले. त्यांच्या अंगावर काळे आॕईल टाकले गेले. घोलप हे पुन्हा सोलापुरात आल्यास त्यांचे कपडे फाडू, असा धमकीवजा इशाराही शिंदेबंधुंनी यांनी दिला. या घटनेमुळे घोलप यांच्यासह आमदार प्रणिती शिंदे आदी सारेजण अवाक झाले. नंतर मेळावा सुरळीतपणे पार पडला.
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
'*पद्मशाली समाजाने दिला प्रणिती शिंदेंना जाहीर पाठिंबा' भाजपच्या दोन्ही खासदारांनी मागील १० वर्षात पद्मशाली समाजासाठी…
आगामी लोकसभा निवडणुकीच्या पार्श्वभूमीवर १ मार्चपासून दररोज १०० कोटी रुपये जप्त करण्यात आल्याची माहिती भारतीय…