ग्रामपंचायतीच्या मालकीच्या जागेवरील अतिक्रम काढण्यासाठी गेलेल्या पथकासोबत बंदोबस्ताला गेलेल्या पोलिसांच्या पथकावर गुंड प्रवृत्तीच्या लोकांनी हल्ला केल्याची घटना जामनेर तालुक्यातील लोणी येथे घडली.
या घटनेत पोलीस निरीक्षक अरुण धनवडे यांनाही मुका मार लागला आहे. दरम्यान, याप्रकरणी सहा जणांविरोधात पहूर पोलिसात गुन्हा दाखल करण्यात आला असून दोघांना अटक करण्यात आली आहे.
जामनेर तालुक्यातील लोणी येथे प्राथमिक आरोग्य केंद्राच्या परीसरातील ग्रामपंचायतीच्या मालकीच्या जागेवर गावातील काही लोकांनी अतिक्रमण केले आहे. याबाबत ग्रामपंचायतस्तरावर रीतसर तक्रार करण्यात आल्यानंतर जिल्हा पोलीस अधीक्षक यांच्याकडून बंदोबस्त मागवण्यात आला होता. त्यानुसार पहुर पोलीस स्टेशनचे पोलीस निरीक्षक अरुण धनवडे, उपनिरीक्षक एस.पी. बनसोड, किरण शिंपी, विद्या छाडेकर, दिनेश मारवळकर, अनिल सुरवाडे आदी कर्मचारी या ठिकाणी बंदोबस्ताला गेले होते. यावेळी अतिक्रमणधारकांनी कारवाईस विरोध केला. अतिक्रमणधारकांना अतिक्रमण हटवण्याबाबत सांगितल्यानंतर त्यांनी पोलीस निरीक्षक अरुण धनवडे व कर्मचार्यांना शिवीगाळ करत मारहाण केली.
सहा जणांवर गुन्हा; दोघांना अटक
पोलिसांवर हल्ला केल्याप्रकरणी दत्तू कडू उगले, ज्ञानेश्वर कडू उगले, सागर केशव उगले, महादू कडू उगले, भास्कर वाघ व पवन महादू उगले यांच्याविरोधात पहूर पोलिस स्टेशनला गुन्हा दाखल करण्यात आला असून त्यापैकी दत्तू उगले व ज्ञानेश्वर उगले या दोघा भावांना अटक करण्यात आली आहे. पुढील तपास पोलीस उपनिरीक्षक संजय बनसोडे करीत आहेत.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…