कोरोनाबाधित रुग्णाचा मृत्यू झाल्यानंतर संतप्त नातेवाईकांनी हॉस्पिटलची तोडफोड करत डॉक्टरांनाही मारहाण केली. नगरमधील तारकपूरच्या सिटी केअर हॉस्पिटलमध्ये मध्यरात्री हा प्रकार घडला. याप्रकरणी पोलिसांत गुन्हा दाखल करण्यात आला आहे. पंकज तानाजी गडाख आणि रोहन बाबासाहेब पवार (दोघेही रा. टाकळीकाझी, नगर) अशी गुन्हा दाखल झालेल्यांची नावे आहेत. याप्रकरणी डॉ. राहुल अरुण ठोकळ यांनी पोलिसांत फिर्याद दिली आहे.
तानाजी नारायण गडाख (वय 72) हे 8 मे रोजी कोरोना उपचारासाठी सिटीकेअर हॉस्पिटलमध्ये दाखल झाले होते. प्रकृती खालावल्याने त्यांच्यावर आयसीयूत उपचार सुरू होते. ऑक्सिजन मास्क हाताने ते काढत असल्याने त्यांच्याजवळ एका नातेवाईकाला थांबण्याची परवानगी दिली होती.
आयसीयूत इतर पेशंट तपासत असताना तानाजी गडाख यांनी ऑक्सिजन मास्क काढून टाकला. ब्रदर प्रवीण गायकर यांनी तो परत लावला. मात्र, याकाळात ते बेशुद्ध झाले. याबाबत नातेवाईकांना लेखी व तोंडी कळविले. मध्यरात्री तानाजी गडाख यांचा मृत्यू झाला. त्यानंतर मुलगा पंकज, रोहन यांनी डॉक्टर ठोकळ व कर्मचाऱयांना मारहाण केली. घटनेची माहिती समजताच, पोलीस घटनास्थळी दाखल झाले. यावेळी पंकज गडाख आणि रोहन पवार या दोघांनी हॉस्पिटलची तोडफोड केली, शिवीगाळ करत मारहाण केल्याचे फिर्यादीत म्हटले आहे. पोलिसांनी दोघांविरोधात हॉस्पिटलच्या मालमत्तेचे नुकसान केल्याप्रकरणी वैद्यकीय कलमान्वये गुन्हा दाखल केला आहे.
आयसीयूतून ओढत आणले
पंकज आणि रोहन या दोघांनी डॉ. ठोकळ यांना ओपीडीत मारहाण केली. त्यानंतर डॉ. ठोकळ दुसरे पेशंट तपासणीला आयसीयूत गेले. रोहन पवार याने आयसीयूतून डॉ. ठोकळ यांना ओढत पुन्हा ओपीडीत आणून त्यांना परत मारहाण केली.
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
'*पद्मशाली समाजाने दिला प्रणिती शिंदेंना जाहीर पाठिंबा' भाजपच्या दोन्ही खासदारांनी मागील १० वर्षात पद्मशाली समाजासाठी…