वाळूच्या कारणातून दोन गटात झालेल्या हाणामारीत डबल मर्डर

माण तालुक्यातील नरवणे येथे बुधवारी वाळूच्या कारणातून बुधवारी दोन गट आपसात भिडले यावेळी झालेल्या तुफान हाणामारीत दोघांचा खून करण्यात आल्याने खळबळ उडाली आहे.

माण तालुक्यातील नरवणे येथे आज सकाळी ही घटना घडली. तहसीलदारांनी जप्त केलेल्या वाळुचा लिलाव घेतला होता. हा लिलाव मयत चंद्रकांत जाधव यांना मिळाला होता. याचा राग जाधव यांच्या भावकीतील लोकांना होता. आज सकाळी याच कारणावरून दोन्ही गटात बाचाबाची झाली आणि त्याचे रुपांतर हाणामारीत झाले.

या घटनेमुळे नरवणे गावात प्रचंड तणावाचे वातावरण निर्माण झाले असून, गावातील सर्व व्यवहार बंद ठेवण्यात आले आहेत. घटनास्थळी पोलीस तैनात करण्यात आले असून, माणचे उपविभागीय पोलीस अधिकारी यांनी भेट देऊन परिस्थिती नियंत्रणात आणली.