फडणवीस साहेब कुंभार घाट दुर्घटनेप्रकरणी विधानभवनात आवाज उठवा!- गणेश अंकुशराव

माजी मुख्यमंत्री फडणवीस यांनी फेसबुकद्वारे तात्काळ व्यक्त केल्या भावना!
पंढरपूर दौर्‍यावर आलेले माजी मुख्यमंत्री देवेंद्र फडणवीस यांनी आदिवासी महादेव कोळी समाजाच्या भावना लक्षात घेवुन तात्काळ आपल्या भावना फेसबुकवर व्यक्त करुन कुंभार घाट दुर्घटनेतील जबाबदार दोषी अधिकारी आणि ठेकेदारावर कडक कारवाई करण्यात यावी अशी आपली ठाम भुमिका असल्याचे संकेत दिले! आपल्या फेसबुक पोष्टद्वारे ते म्हणाले, ‘‘पंढरपूरमधील कुंभारघाट दुर्घटनेत भींत पडून बळी गेलेल्या कुटूंबियांची आज भेट घेऊन सांत्वन केले. या पीडितांना न्याय मिळवून देण्यासाठी पाठपुरावा करण्यात येईल. या घटनेतील दोषींवर कठोर कारवाई करण्यात यावी आणि या परिवाराला न्याय द्यावा.’’