मजुरीचे १२ हजार रुपये न दिल्यामुळे भाजपचे नागपूर जिल्हा पदाधिकारी, माजी सरपंच तथा ग्रामपंचायत सदस्याची हत्या झाल्याची घटना रविवारी घडली. याप्रकरणी नागपूर ग्रामीण पोलिसांनी मध्य प्रदेशातून दोन जणांना अटक केलीय. विशेषकुमार रामदास रघुवंशी (वय ३३, रा. मंडला) आणि आदी चंद्रामणी नायक (वय ३०, रा. ओदिशा) अशी अटक करण्यात आलेल्या मारेकरीची नावे आहेत. हत्या झालेल्या भाजप जिल्हा पदाधिकारीचे नाव राजू डेंगरे आहे.
अटक करण्यात आलेल्या मारेकरींनी आपला गुन्हा कबूल केलाय. आपल्या मजुरीचे पैसे न मिळाल्यानं आपणच राजू यांची हत्या केल्याची कबुली त्यांनी पोलिसांसमोर दिलीय. घटनेप्रकरणी पोलिसांनी दिलेल्या माहितीनुसार, विशेषकुमार आणि आदी हे राजू डेंगरे यांच्या ढाब्यावर काम करत होते. दिवाळीनिमित्त त्यांना गावाला जायचं होतं. त्यासाठी त्यांनी राजू डेंगरे यांच्याशी पैशांची मागणी केली.
गावाला जाण्यापूर्वी विशेषकुमार आणि आदी यांनी राजू यांच्याकडे पैशांची मागणी केली होती. त्यांना राजू यांच्याकडून प्रत्येकी ६ हजार रुपये असे एकूण १२ हजार रुपये घ्यायचे होते. मात्र राजू ही रक्कम देण्यासाठी टाळाटाळ करीत होते. यावरून त्यांच्यात वादही झाला होता. राजू डेंगरे पैसे देत नसल्यानं दोघेही चिडले होते. पैसे देत नसल्याच्या रागात त्यांनी डेंगरे यांच्या हत्येचा कट रचला.
रविवारी रात्री अडीच वाजण्याच्या सुमारास विशेषकुमारनं आदीच्या मदतीने राजू यांचा कपड्यानं गळा आवळला. त्यानंतर चाकूने वार करत राजू यांची हत्या केली. राजू यांच्या अंगावर ब्लँकेट टाकत दोघेही कार घेऊन फरार झाले. होते. दुसऱ्या दिवशी ही घटना उघडकीस आल्यानंतर भाजपच्या वर्तुळात मोठी खळबळ उडाली. पोलिसांनी याप्रकरणी खुनाचा गुन्हा दाखल केला.
विद्यार्थ्यांनी आधुनिक तंत्रज्ञानाचा वापर करून समाजातील सामान्य घटकाचे जीवन सुलभ व सुकर होईल असे समाजोपयोगी…
पंढरपूर शहर व तालुक्यात तसेच इतर जिल्ह्यांमध्ये शैक्षणिक क्षेत्रामद्धे आपले वलय निर्माण केलेल्या श्री पांडुरंग…
पक्ष निरीक्षक शेखर माने यांच्या हस्ते निवडीचे पत्र प्रदान पंढरपूर शहर तालुक्याच्या राजकारणात कट्टर शरद…
पंढरपूर–‘करिअर करत असताना अपयश आले तरी हरकत नाही, परंतू प्रयत्न मात्र सोडू नयेत. इंजिनिअरिंग पूर्ण…
श्री. पांडुरंग प्रतिष्ठान संचालित कर्मयोगी इंस्टीट्यूट ऑफ टेक्नॉलॉजी अभियांत्रिकी महाविद्यालयातील तृतीय वर्षा मध्ये शिकत असणार्या…
पुनर्रचित हवामानावर आधारित फळपेत विमा योजना रब्बी हंगाम २०२३ साठी फळ पिक विमा भरलेल्या शेतकऱ्यांचा…