डाळिंबाच्या शेतामध्ये गांजाच्या झाडांची विक्री करण्यासाठी लागवड आणि जोपासणा करणाऱ्या संशयित आरोपीला पोलिसांनी ताब्यात घेतलं आहे. यावेळी पोलिसांनी १ कोटी ५ लाख ७५ हजार ५०० रुपयांची गांजाची झाडे जप्त केली आहेत. अंमली पदार्थांबाबत सातारा जिल्ह्यातील आजपर्यंतची ही सर्वात मोठी कारवाई असल्याचं सांगितलं जात आहे. ही कारवाई सातारा स्थानिक गुन्हे शाखेने केली. संशयित आरोपी कुंडलिक निवृत्ती खांडेकर (वय ४९, वर्षे रा. लोणार खडकी, ता. माण, जि. सातारा) याला पोलिसांनी अटक केली आहे.
पोलीस निरीक्षक अरुण देवकर यांना मिळालेल्या माहितीनुसार, लोणार खडकी (ता. माण) गावातील एका व्यक्तीने त्याच्या डाळिंबाच्या शेतामध्ये गांजाच्या झाडांची विक्री करण्यासाठी लागवड केली असल्याची माहिती प्राप्त झाली होती. पोलीस निरीक्षक अरुण देवकर यांनी सहाय्यक पोलीस निरीक्षक संतोष पवार आणि पोलीस उपनिरीक्षक विश्वास शिंगाडे यांच्या पथकाला मिळालेल्या माहितीच्या ठिकाणी जावून काही आक्षेपार्ह आढळून आल्यास कारवाई करण्याच्या सूचना दिल्या होत्या. त्यानुसार लोणार खडकी (ता.माण, जि.सातारा) गावाच्या हद्दीतील डाळीबांच्या शेतामध्ये जाऊन पाहणी केली असता त्या शेतामध्ये गांजाच्या झाडांची लागवड केल्याचे आढळून आले.
शेतामध्ये उभ्या असलेल्या व्यक्तीला गांजा लागवड केलेले शेत कोणाचे आहे, याबाबत विचारणा केली असता त्याने ते शेत त्याच्या स्वतःच्या मालकीचे तसेच लागवड केलेल्या गांजाच्या झाडांची जोपासणा करीत असल्याचे सांगितले. यावेळी पोलिसांनी १,३३१ गांजाची झाडे जप्त केली. त्याचे वजन केले असता ते ४२३.०२ किलोग्रॅम इतके भरले. जप्त केलेल्या गांजाच्या झाडांची किंमत १ कोटी ०५ लाख ७५ हजार ५०० रुपये इतकी आहे. संशयित आरोपी कुंडलिक निवृत्ती खांडेकर (वय ४९) याने डाळिंबाच्या शेतात लागवड आणि जोपासणा केल्याचं आढळून आल्यानं त्याच्या विरुद्ध म्हसवड पोलीस ठाण्यात गुंगीकारक औषधीद्रव्ये आणि मनोव्यापारावर परिणाम करणारे पदार्थ अधिनियम अन्वये गुन्हा नोंद केला आहे.
इ अँड टी सी (E&TC) विभागाला बेस्ट डिपार्टमेंट अवॉर्ड , अभियंता म्हणजे प्रॉब्लेम सॉल्व्हर— इआर.…
स्वेरी व एस.व्ही.आय.टी. चा संयुक्त उपक्रम कुर्डुवाडी- शिक्षणातील नवनवीन उपक्रमासाठी राज्यात प्रसिद्ध असलेल्या गोपाळपूर येथील…
पंढरपूर- महाराष्ट्र राज्य शुश्रुषा व परावैद्यक शिक्षण मंडळाकडून घेण्यात आलेल्या उन्हाळी परीक्षा २०२६ चा जी.एन.…
पंढरपूर : एस.के.एन. सिंहगड कॉलेज ऑफ इंजिनिअरिंग, पंढरपूर येथे अंतिम वर्षातील सर्व शाखांच्या विद्यार्थ्यांसाठी आगामी…
कोर्टी, पंढरपूर येथील एस. के. एन. सिंहगड अभियांत्रिकी महाविद्यालयात दि. २९ ऑगस्ट २०२६ रोजी स्टेट…
माढा विधानसभा मतदारसंघाचे मा. आ. बबनदादा शिंदे यांच्या ७५ व्या अमृत महोत्सवी वाढदिवसानिमित्त संकल्प फाऊंडेशन,…