‘आधी माझं काम बघा, नंतर पगार ठरवा’ अशी भुरळ घालत सराफाचा विश्वास संपादन करून मुंबईहून आलेल्या दागिने बनविणाऱया कारागिराने पाचव्याच दिवशी दोन लाखांचे दागिने घेऊन पलायन केल्याची घटना घडली.
हसन नूरमहंमद शेख (43, रा. बुधवार पेठ, सातारा) यांचे साताऱ्यातील बुधवार पेठेत एचएस गोल्डस्मिथ या नावाचे सोन्याचे दुकान आहे. मुंबईतील एका ओळखीच्या व्यक्तीने पाच दिवसांपूर्की हसन शेख यांना फोन करून तुमच्याकडे कामाला एक व्यक्ती पाठवत असल्याचे सांगितले होते. त्यानंतर सोफीकूल शेख (32, रा. पश्चिम बंगाल) हा साताऱ्यात आला. हसन शेख यांच्या दुकानात तो गेला. ओळख झाल्यानंतर सोफीकुल याने ‘माझं आधी काम बघा, नंतर पगार ठरका’, असे सांगितले. त्यामुळे हसन यांचा त्याच्या बोलण्यावर विश्वास बसला.
पहिल्याच दिवशी सोफीकुल याने हसन यांचा विश्वास संपादन केला. पाचव्या दिवशी सकाळी तो लघुशंका करून येतो, असे सांगून निघून गेला तो परत आलाच नाही. हसन शेख यांनी त्याचा शोध घेतला असता, तो सापडला नाही. त्यामुळे त्यांनी दुकानात दागिने पाहिले असता दोन लाखांचे दागिने गायब असल्याचे शेख यांच्या निदर्शनास आले. फसवणूक झाल्याचे लक्षात येताच त्यांनी शाहूपुरी पोलीस ठाण्यात तक्रार दिली. पोलिसांनी सोफीकुल शेख याच्याकर गुन्हा दाखल केला आहे. सहायक फौजदार साबळे हे तपास करीत आहेत.
५० हून अधिक प्राध्यापकांचा सहभाग आणि ५० हून अधिक उत्पादनांची निर्मिती कोर्टी, पंढरपूर | दि.…
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
