यवतमाळ जिल्ह्यातील वणी याठिकाणी एक मन हेलावून टाकणारी घटना घडली आहे. सराव परीक्षा देण्यासाठी आपल्या मैत्रिणीसह शाळेत जाणाऱ्या विद्यार्थिनीसोबत विपरीत घटना घडली आहे.
शाळेत जात असताना वाटेतच चायनीज मांजामुळे तिचा गळा चिरला आहे. संबंधित घटना घडताच संबंधित विद्यार्थिनी रक्ताच्या थारोळ्यात कोसळली. यावेळी आसपासच्या लोकांनी तातडीने तिला रुग्णालयात नेल्याने तिचा जीव वाचला आहे. जखम शिवण्यासाठी तिच्या गळ्याला तब्बल 10 टाके घालावे लागले आहेत.
नुश्री विलास पारखी असं जखमी झालेल्या विद्यार्थिनीचं नाव आहे. ती वणी शहरातील जैन लेआऊट परिसरातील रहिवासी आहे. घटनेच्या दिवशी तिची शाळेत सराव परीक्षा होती. त्यामुळे सकाळी आठच्या सुमारास ती घरातून तिची दुचाकीने शाळेकडे निघाली होती.
वाटेत तिने आपल्या मैत्रिणीला देखील सोबत घेतलं. दरम्यान आवारी लेआऊट परिसरातील रस्त्यावरून जात असताना, पंतगाचा चायनीज मांजा तिच्या गळ्याभोवती अडकला.
पुढच्याच सेकंदात धारदार चायनीज मांजामुळे तिचा गळा कापला गेला. यात दुर्दैवी घटनेत जखमी झालेल्या तनुश्रीला तातडीने वणी येथील सुगम रुग्णालयात उपचारासाठी दाखल केलं.
पण तिचा रक्त प्रवाह सुरूच होता. अशा स्थितीत रक्तप्रवाह थांबवण्यासाठी डॉक्टरांना तनुश्रीच्या गळ्यावर तब्बल 10 टाके घ्यावे लागले आहेत. यावरून चायनीज मांजा किती धारदार होता. याचा अंदाज लावला जाऊ शकतो.
प्रथम वर्ष च्या निकालामध्ये जिल्ह्यात अव्वल महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या…
संभाजी ब्रिगेडची प्रांताधिकारी पंढरपूर यांच्याकडे निवेदन देत मागणी स्वराज्यरक्षक छत्रपती संभाजी महाराज यांच्या जयंती…
महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या बी.एस्सी नर्सिंगच्या हिवाळी २०२५ परीक्षेत कर्मयोगी…
पंढरपूर येथे आयोजीत पुरस्कार वितरण सोहळा या मान्यवरांच्या हस्ते हे पुरस्कार प्रदान करण्यात येणार आहेत.या…
सोलापूर जिल्ह्यातून विधान परिषदेसाठी राम सातपुते,बाळराजे पाटील यांचे नाव आघाडीवर परिचारक यांनी तिरंगी लढतीत दोन पराभव…
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग…
