जालना तालुक्यातील मौजे पुणेगाव येथे एका वृद्धाचा जमिनीच्या वादातून मुलानेच काटा काढला. धक्कादायक म्हणजे चुलत बहिणीच्या मुलांनाच या नराधम मुलाने वडिलांच्या हत्येची सुपारी दिली.
या प्रकरणाचा पोलिसांनी अवघ्या दोन दिवसात तपास लावला.
पोलिसांनी दिलेल्या माहितीनुसार, भाऊसाहेब चव्हाण असे हत्या झालेल्या व्यक्तीचे नाव आहे. 5 जानेवारीला शेतात झोपायला गेल्यावर अज्ञात आरोपींनी त्यांच्यावर चाकूने वार करून आणि लाकडी दांडक्याने मारहाण करून खून केला होता. या प्रकरणी पोलीस स्थानाकत कलम 302 अन्वये गुन्हा दाखल करण्यात आला.
स्थानिक गुन्हे शाखेतील अधिकारी व अंमलदार यांनी मयताचा मुलगा अरविंद भाऊसाहेब चव्हाण यास ताब्यात घेऊन चौकशी केली. चौकशीमध्ये त्याने गुन्हा कबूल केला. गावातील शेत जमीन विक्रीच्या वादातून आरोपीने वडिलांचा काटा काढण्याचे ठरवले. चुलत बहिणीचे मुलं अनिल अर्जुन अंभोरे आणि सतिष अर्जुन अंभोरे यांना सोबत घेऊन खुनाची योजना आखली. मोबदल्यात एक लाख रुपये देण्याचे कबुल केले होते.
आरोपी अनिल अर्जुन, सतिष अर्जुन अंभोरे आणि अरविंद चव्हाण यांनी झोपेतच भाऊसाहेब चव्हाण यांचे तोंड दाबून चाकूने वार करुन त्यांचा खून केला. तिनही आरोपींना पुढील कार्यवाहीसाठी तालुका जालना पोलीस ठाण्यात देण्यात आले असून गुन्ह्याचा पुढील तपास पोलीस उपनिरीक्षक राठोड हे करीत आहेत.
५० हून अधिक प्राध्यापकांचा सहभाग आणि ५० हून अधिक उत्पादनांची निर्मिती कोर्टी, पंढरपूर | दि.…
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
