लग्नाला तयार नसल्याने मुलीच्या डोक्यात खोरे घालून पित्यानेच तिचा खून केल्याची घटना आटपाडी तालुक्यातील बनपूरी येथे घडली आहे. खुनानंतर चौघांच्या मदतीने पित्याने मुलीचा अंत्यविधी उरकून घेतला. मात्र, मृतदेह अर्धवट जळल्याने तो मध्यरात्रीच दफन करण्यात आला. दरम्यान, आठ दिवसांनंतर हा प्रकार उघडकीला आला असून, याप्रकरणी पोलिसांनी आरोपीला अटक केली आहे. ताई उत्तम चौगुले (वय 18) असे मृत मुलीचे नाव असून, उत्तम महादेव चौगुले (वय 42) याला अटक केली आहे.
चौगुले हा बनपुरी येथे पूर्वेला चौगुले वस्तीवर कुटुंबीयांसोबत राहत होता. त्यांची मुलगी ताई हिला पाहण्यासाठी रविवारी (दि. 14) रोजी रविवारी पाहुणे येणार होते. मात्र, मुलगी लग्नास तयार नव्हती. त्यामुळे त्यांच्यात वाद झाले. संतापलेल्या उत्तम चौगुले याने खोऱयाने मुलीला मारहाण केली. यात तिचा जागीच मृत्यू झाला.
या घटनेनंतर घरात स्वच्छता करून, शेजाऱयांसमोर मुलीचा हृदयविकाराच्या झटक्याने मृत्यू झाल्याचा बनाव करण्यात आला. आसपासची वस्तीवरची अनेक माणसे अंत्यविधीसाठी जमा झाली; परंतु घटना संशयास्पद वाटल्याने बहुतांशजण गायब झाले. चौगुले यांनी ताईला बघायला येणाऱया पाहुण्यांनाही याची माहिती दिली नाही. आरोपी उत्तम चौगुलेने अन्य चौघांना सोबत घेऊन घराशेजारीच असलेल्या ओढापात्रात शेतातील लाकडे गोळा करून मध्यरात्री अंत्यविधी केला. प्रेत अर्धवट जळल्यामुळे पहाटे ते ओढा पात्रातच दफन केले. तिसऱया दिवशी रक्षाविसर्जनही केले नाही. दरम्यान, आज ही घटना उघडकीला आली असून, पोलीस पाटील हणमंतराव पाटील यांनी वर्दी दिली आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…