16 वर्षीय अल्पवयीन मुलीशी अनैतिक संबंध असल्याच्या संशयावरून मुलीच्या बापाने एका वृद्धाची हत्या केलीय. उत्तर प्रदेशच्या हमीरपूरमध्ये हा धक्कादायक प्रकार घडला आहे. राम आसरे कुशवाह असं मृत व्यक्तीचं नाव असून तो 61 वर्षांचा आहे. या प्रकरणी मृत व्यक्तीची पत्नी रामश्री यांनी दिलेल्या तक्रारीवरून जलालपूर पोलीस ठाण्यात संबंधित अल्पवयीन मुलीच्या वडिलांच्या विरोधात खुनाचा गुन्हा दाखल करण्यात आला आहे.
मृत राम आसरे कुशावह हे शेतकरी होते. त्यांना आठ मुली असून, त्यांपैकी 6 मुलींची लग्नं झाली आहेत. दोन मुली अद्याप अविवाहित आहेत. मृत व्यक्ती राहत असलेल्या परिसरातली 16 वर्षांची एक मुलगी गरोदर राहिली होती. तिच्या कुटुंबीयांनी संबंधित मुलीचा 1 जानेवारी 2024 रोजी गर्भपात केला होता. तसंच गर्भवती मुलीला तिच्या पोटात वाढणाऱ्या मुलाच्या वडिलांचं नाव विचारलं असता, तिने राम आसरे यांचं नाव सांगितलं होतं. त्यामुळे रागाच्या भरात मुलीच्या वडिलांनी राम आसरे यांच्या गळ्यावर 22 जानेवारी 2024 रोजी कुऱ्हाडीने वार केला. यामध्ये गंभीर दुखापत झाल्यानं राम यांना तातडीने झाशीच्या मेडिकल कॉलेजमध्ये उपचारांसाठी दाखल करण्यात आलं होतं. तेथेच उपचार सुरू असताना शुक्रवारी (26 जानेवारी 2024) त्यांचा मृत्यू झाला. त्यानंतर शवविच्छेदन करून मृतदेह कुटुबीयांच्या ताब्यात देण्यात आला.
या प्रकरणी राम आसरे यांचे जावई ब्रिजेंद्र कुशवाह यांनी सांगितलं, की ‘माझे सासरे शेती करायचे. परिसरातली 16 वर्षांची एक मुलगी गरोदर राहिली. त्यानंतर मुलीच्या कुटुंबियांनी मुलीच्या पोटात वाढणारं मूल राम आसरे यांचं असल्याचा आरोप केला. हा प्रकार कळल्यावर आम्ही तातडीने सासऱ्यांच्या घरी आलो व त्यांच्याशी बोललो. त्या वेळी संबंधित मुलीच्या पोटातलं मूल माझं नाही, असं माझ्या सासऱ्यांनी स्पष्ट सांगितलं. त्यावर आम्ही त्यांना पोलिसात तक्रार देण्यास सांगितलं असता त्यांनी त्यासही नकार दिला. तसंच पंचायत बोलावण्यास नकार दिला. ना माझ्या सासऱ्यांनी पोलिसांकडे तक्रार केली, ना मुलीच्या घरच्यांनी तक्रार केली.’
राम आसरे यांचे दुसरे जावई अरविंद यांनी सांगितलं, की ‘अफवा पसरल्यानंतर मुलीच्या कुटुंबीयांनी माझ्या सासऱ्यांबद्दल मनात राग धरला. 21 जानेवारीला सकाळी सासरे घराबाहेर उभे होते. त्याच वेळी मुलीचे वडील कुऱ्हाड घेऊन आले व त्यांनी कुऱ्हाडीने त्यांच्या मानेवर वार केला. त्यांना वाचवण्यासाठी माझी सासू रामश्री गेल्या असता त्यांनाही मारहाण करण्यात आली. गंभीर जखमी झालेल्या सासऱ्यांना उपचारांसाठी रुग्णालयात दाखल करण्यात आलं होतं; पण उपचार सुरू असतानाच त्यांचा मृत्यू झाला.’ दरम्यान, या प्रकरणाची जोरदार चर्चा सध्या हमीरपूर जिल्ह्यात सुरू असून, अधिक तपास पोलीस करत आहेत.
अ‍ॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
