देव तारी त्याला कोण मारी, अशी म्हण आपल्याकडे प्रचलित आहे. याचीच प्रचिती मुंबईतील एका घटनेत आली आहे. मुंबईत इमारतीच्या 14व्या मजल्यावरून पडून 13 वर्षीय मुलीला कुठलीही गंभीर दुखापत झाली नाही.सखीरा शेख, असं या मुलीचं नाव आहे. मंगळवारी पहाटे कुर्ला येथील नेहरू नगर येथे ही घटना घडली. इतक्या उंचावरुन पडूनही मुलीला काहीच न झाल्याने लोक आश्चर्य व्यक्त करत आहेत.
मंगळवारी, दुपारी 12.30 च्या सुमारास, ती दिवाणखान्यात तिच्या वाढदिवसानिमित्त मिळालेल्या भेटवस्तूंसोबत खेळत होती, तर तिचे आई-वडील आणि मोठी भावंडे हॉलमध्ये टीव्ही पाहत होते. तिच्या पालकांच्या म्हणण्यानुसार, सखीरा दिवाणखान्याच्या खिडकीतून बाहेर काहीतरी पाहत होती. यादरम्यान तिचा तोल गेला आणि ती खिडकीतून खाली पडली. मुलीचे वडील इस्माईल शेख म्हणाले, ‘आम्ही मोठा आवाज ऐकला. आधी आम्हाला वाटले की जवळून जाणाऱ्या डंपर ट्रकचा आवाज आहे. त्यांना त्यांच्या इमारतीच्या तळघरातून आवाज आल्याने ते खाली गेले असता त्यांना सखीरा जमिनीवर दिसली. तिथे गर्दी जमली होती. पण सखीरा लगेच सरळ बसून त्यांच्याकडे पाहू लागली. त्यांनी तिला ताबडतोब जवळच्या खाजगी रुग्णालयात नेले, इस्माईल म्हणाले, जिथे ती इतक्या उंचीवरून पडल्याचे ऐकून डॉक्टर घाबरले. त्यांनी कुटुंबीयांना शासकीय रुग्णालयात जाण्याचा सल्ला दिला. त्यानंतर तिला सायन रुग्णालयात नेण्यात आले.
मुलीच्या वडिलांनी सांगितले की, “एवढ्या उंचीवरून पडूनही तिला कोणतीही दुखापत झालेली नाही हे पाहून येथील डॉक्टरांनाही आश्चर्य वाटले.” ते म्हणाले की, डॉक्टरांनी अंतर्गत दुखापतीची शक्यता नाकारली असून ते तिची प्रकृती बारकाईने तपासत आहेत. सखीरा पडताना एका झाडाची फांदी आणि पत्र्याच्या छप्पारावर आदळली. त्यामुळे ती थेट जमिनीवर पडण्यापासून वाचली. यामुळे तिच्या पडण्याचा वेगही कमी झाला. सध्या तिला कोणतीही बाह्य दुखापत दिसून येत नाही. सर्वसामान्यपणे व्यवहार असल्याने अंतर्गत दुखापत असल्याची शक्यता कमी असल्याचे डॉक्टरांनी सांगितले.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…