ताज्याघडामोडी

13 वर्षांची चिमुरडी घरातलं सगळं काम करायची, पण मालकाने सगळ्या सीमा ओलांडल्या

कामगार, मजूरांवर मालकांनी अत्याचार केल्याच्या घटना अनेकदा घडतात. हरियाणात अशाच प्रकारची एक घटना घडली आहे. घरकाम करणाऱ्या अल्पवयीन मुलीला एकाने निर्दयपणे मारहाण केली. तसंच तिला कपडे उतरवण्यास आणि कुत्र्याला तिला चावण्यास भाग पाडल्याचं समोर आलं आहे. या प्रकरणी पोलिसांत तक्रार देण्यात आली असून, तपास सुरू आहे. पोलिसांनी तीन आरोपींविरोधात गुन्हा दाखल केला आहे.

हरियाणातल्या गुरुग्राममधून एक धक्कादायक घटना उघड झाली आहे. तिथल्या सेक्टर 57 परिसरात घरकाम करणाऱ्या एका 13 वर्षीय मुलीला मारहाण करण्यात आली. तसंच तिला कपडे काढण्यास आणि कुत्र्याला तिला चावा घेण्यास भाग पाडल्याचं समोर आलं आहे. पोलिसांनी शनिवारी (9 डिसेंबर) ही माहिती दिली.

यासंदर्भात सेक्टर 51 च्या महिला पोलीस स्टेशनमध्ये तक्रार दाखल करण्यात आली आहे. तक्रारीनुसार, या मुलीचे मालक तिच्या हातावर अ‍ॅसिड टाकत होते. तसंच याविषयी कोणाला सांगितलं तर जीवे मारण्याची धमकी देत होते. मुलीच्या आईनं सांगितलं, की ‘मी 27 जूनला जवळच्या भागात वाहन स्वच्छ करणाऱ्या एका व्यक्तीच्या मदतीने माझ्या मुलीला सेक्टर 57 मधल्या शशी शर्मा यांच्या घरी कामाला लावलं. मुलीला त्यांच्यासोबत ठेवण्याचं आणि नऊ हजार रुपये वेतन देण्याचं ठरलं; पण वेतनाची रक्कम मला केवळ दोन महिनेच मिळाली. मी बऱ्याचदा माझ्या मुलीला भेटायला गेले; पण मला भेटू दिलं गेलं नाही. तिला माझ्याशी फोनवरही बोलू दिलं नाही.’

पोलिसांनी दिलेल्या माहितीनुसार, पीडित मुलीच्या आईनं तक्रार दाखल केली आहे. ‘ज्या घरात मुलगी काम करत होती, ते कुटुंब तिला लाकूड किंवा लोखंडी रॉडने मारहाण करत असे. महिलेच्या दोन्ही मुलांनी माझ्या मुलीला विवस्त्र केलं. तिचा व्हिडिओ शूट केला. तसंच तिला चुकीच्या पद्धतीने स्पर्श केला. आरोपी कुटुंबाने घरकाम करणाऱ्या मुलीला ओलीस ठेवलं,’ असं तक्रारीत लिहिलेलं होतं. पीडितेच्या आईने तिला शनिवारी (9 डिसेंबर) मुक्त केलं. पीडितेच्या आईने केलेल्या तक्रारीत म्हटलं आहे, की ‘माझ्या मुलीला दोन दिवसातून एकदाच जेवण दिलं जायचं. तसंच ती आरडाओरडा करू नये, यासाठी तिच्या तोंडाला चिकटपट्टी लावलेली असायाची.’

Team : aaplapandharpur.com

Recent Posts

उसने पैसे घेतलेचे कारणावरून गंभीर जखमी केलेप्रकरणी सहा जणांना अटकपुर्व जामीन मंजूर

अ‍ॅड.संदिप कागदे यांनी केलेला युक्तीवाद ग्राहय धरून  अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…

5 days ago

शरद पवार यांनी विधानसभेची उमेदवारी जाहीर करूनही चेअरमन अभिजित पाटील यांचे बंड

विठ्ठल परिवारात 'इतिहासाची' चौथ्यांदा पुनरावृत्ती ?  राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…

2 weeks ago

आ.बबनदादा शिंदे समर्थकांच्या ”स्वाभिमानाच्या” लढाईत भाजली जाणार खा.निंबाळकरांची पोळी ?

माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका  माढा लोकसभा…

2 weeks ago

भूमिपुत्रांना गावातच काम देण्यासाठी कटिबद्ध राहू !

तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…

3 weeks ago

काशीपीठाचे जगद्गुरु डॉ. मल्लिकार्जुन विश्वाराध्य शिवाचार्य महास्वामीजींचे पालकमंत्री चंद्रकांत पाटील यांनी घेतले आशीर्वाद

लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…

3 weeks ago

सोलापुरात जिल्ह्यातील वीरशैव लिंगायत समाजाची बैठक संपन्न

राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…

4 weeks ago