दारू पिण्यासाठी पैसे न दिल्याचा राग अनावर झाल्याने मद्यपीने तरुणाची सुर्याने भोसकून हत्या केल्याचा प्रकार रविवारी रात्री ठाण्याच्या वागळे इस्टेट येथील रामनगरमध्ये घडला. विजय चौहान (२९) असे मृत तरुणाचे नाव असून या प्रकरणी आरोपी सनी बैद (३२) याला श्रीनगर पोलिसांनी अटक केली आहे.
मिळालेल्या माहितीनुसार, वागळे इस्टेट येथील रामनगर परिसरात राहणारा मृत विजय रविवारी रात्री उशिरा डगलाईनच्या नाल्याजवळ लघुशंका करण्याकरिता गेला होता. यावेळी तेथे आरोपी सनी बैद हा दारूच्या नशेत होता. त्याने विजयकडे दारू पिण्यासाठी पैसे मागितले. त्यावेळी विजयने दारू पिण्यासाठी पैसे देण्यास नकार दिला. त्याचा राग येऊन आरोपी सनी याने धारदार सुऱ्याने विजयच्या पोटात चाकू भोसकून ठार केले. या प्रकरणी श्रीनगर पोलिसांनी तात्काळ आरोपी सनी याला ताब्यात घेत त्याच्या विरोधात हत्येचा गुन्हा दाखल केला. आरोपी सनी याला न्यायालयाने २६ ऑक्टोबरपर्यंत पोलीस कोठडी सुनावल्याची माहिती श्रीनगर पोलीस ठाण्याचे वरिष्ठ पोलीस निरिक्षक किरणकुमार कबाडी यांनी दिली.
आठवड्याभरापूर्वी वागळे इस्टेट येथील श्रीनगर पोलीस ठाण्याच्या हद्दीत रोड नं. ३४ भागात देवी आगमन मिरवणुकीत दोन मंडळांमध्ये झालेल्या राड्यात फटाके पेटविल्याने आणि दगडफेक झाल्याने पाचजण जखमी झाले. या प्रकरणात श्रीनगर पोलीस ठाण्यात गुन्हा दाखल करण्यात आला आहे. येथील हनुमान नगर भागात शिवसाई क्रीडा मंडळ आणि हनुमान नगर रहीवासी कमिटी हे दोन मंडळ आहेत. या दोन्ही मंडळांकडून वेगवेगळ्या ठिकाणी नवरात्रोत्सव आयोजित केला जातो. शिवसाई क्रीडा मंडळाच्या मंडपाजवळ हनुमान नगर रहिवासी कमिटीच्या देवीची मिरवणूक आली असता कोणीतरी मंडपाजवळ फटाके फोडले. या घटनेवरून दोन्ही मंडळातील कार्यकर्त्यांमध्ये राडा झाला होता.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…