मुलीच्या नावाने इन्स्टाग्रामवर अकाउंट चालविणाऱ्याशी मैत्री करीत वेळोवेळी पैसे देणे नाशिकच्या तरुणाला चांगलेच महागात पडले आहे. मुलीच्या आवाजात तरुणाशी फोनवरून संवाद साधण्यासह मुलीच्या भावाच्या नात्याने प्रत्यक्ष भेट घेत संशयिताने दोन लाख रुपयांचा गंडा घातला आहे. गंभीर म्हणजे, महाराष्ट्रात हा सायबर गुन्हा घडला असून, म्हसरूळ पोलिसांनी संशयिताची ओळख पटविली आहे.
मिळालेल्या माहितीनुसार, मखमलाबाद परिसरातील अमोल बाळासाहेब अहिरे (३०) याने याप्रकरणी फिर्याद दिली आहे. त्यावरून म्हसरूळ पोलिसांनी अर्जून तात्याराव उफाडे (रा. मरगळवाडी, गंगाखेड, परभणी) याच्याविरोधात फसवणुकीचा गुन्हा दाखल केला आहे. अमोल यांनी सन २०२० मध्ये इन्स्टाग्रामवर ईश्वरी मुंढे या नावाच्या अकाउंटला फ्रेंड रिक्वेस्ट पाठविली. मुलीच्या नावाने असलेल्या अकाउंटवरून होणाऱ्या चॅटिंगमध्ये अमोल अधिकच गुंतला. त्यातून एकमेकांची मैत्री आणि गप्पा वाढत गेल्या. ईश्वरी नावाने संवाद साधणाऱ्या व्यक्तीने एक मोबाइल क्रमांक देत त्यावरून मुलीच्या आवाजात अनेकदा अमोलसोबत फोनवर बोलणे केले. वेळोवेळी काही कारणातून पैसे घेतले.
यासह एकावेळी वडिलांच्या आजारपणाचे कारण पुढे करीत १ लाख ९६ हजार रुपयांची मागणी केली. हे पैसे स्वीकारण्यासाठी ईश्वरीचा भाऊ या नात्याने विकास मुंढे नाव धारण करून एक संशयित अमोल यांना प्रत्यक्ष भेटण्यासाठी आला. त्याने दोन लाख रुपये स्विकारून गावी पोबारा केला. यानंतरही काही दिवस चॅटिंग सुरूच राहिली. मात्र, पैसे परत मागितल्यावर शिवीगाळ आणि दमदाटी सुरू झाल्याने फसवणूक झाल्याचे अमोल यांच्या लक्षात आले. त्यांनी याप्रकरणी दाखल केलेल्या तक्रार अर्जावरून तपास पूर्ण करीत म्हसरूळ पोलिसांनी संशयित उफाडेविरोधात गुन्हा दाखल केला आहे.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…