जिल्ह्यात गुन्हेगारीचे वाढते प्रमाण चिंताजनक आहे. पण पोलिसांच्या सतर्कतेमुळे गुन्ह्यांचा यशस्वी तपास कौतुकास्पद आहे. सुधागड पाली येथे कुजलेल्या अवस्थेत महिलेचा मृतदेह मिळाला होता. या प्रकरणी तपास सुरू होता. आता या तपासाला पुर्णविराम मिळाला असून आरोपीला पोलिसांनी बेड्या घातल्या आहेत. हा अपघात नसून घात असल्याचे तपासात समोर आले आहे.
मिळालेल्या माहितीनुसार, रायगड जिल्ह्यातील सुधागडमधील नवघर ग्रामपंचायत हद्दीत उंबरवाडी डोंगरावरील जंगलात शनिवारी एका महिलेचा मृतदेह आढळल्याने मोठी खळबळ उडाली होती. यादरम्यान पोलिसांनी परिसरातील मिसिंग केस पडताळण्यास सुरुवात केली. त्यावेळी आरड्याची वाडी येथील महिला बेपत्ता असल्याची तक्रार तिचा पती सागर पवार याने जांभूळपाडा पोलीस चौकीत मंगळवार दिनांक ५ सप्टेंबर रोजी केल्याचे निदर्शनास आले. त्यानुसार पोलिसांनी तक्रारदाराच्या घरी जाऊन मृत महिलेच्या अंगावरील कपडे कुटुंबाला दाखवले. सागर पवार याच्या कुटुंबियांनी ती सागरची पत्नी कुसबा पवार असल्याचे तात्काळ ओळखले पण पोलिसांना मृत्यूचे कारण समजत नव्हते.
चार दिवसांपूर्वी बेपत्ता तक्रार करणाऱ्या पतीचा उलट तपास केल्यानंतर आणि पोलीसी खाक्या दाखवताच पत्नीचा खून आपणच केल्याचे सांगितले. पाली पोलिसांना घटनेची माहिती मिळताच पोलीस निरीक्षक सरिता चव्हाण आणि त्यांच्या टीमने घटनास्थळी धाव घेत महिलेचा मृतदेह आणि घटनास्थळाचा पंचनामा केला. मृतदेह कुजलेल्या अवस्थेत असल्याने ओळख पटविणे कठीण झाले होते. रायगड जिल्हा पोलीस अधीक्षक सोमनाथ घार्गे, रोहा विभागीय पोलीस अधिकारी सोनाली कदम यांच्या मार्गदर्शनाखाली पाली पोलीस, श्वान पथक, RCP टीम, फिंगरप्रिंट टीम, डॉक्टर यांनी घटनास्थळी जाऊन तपास केला. मृतदेहाचे शवविच्छेदनही करण्यात आले.
मृत महिलेचा शोध घेण्यास पोलिसांना यश आले. मात्र अद्याप महिलेच्या मृत्यूचे नेमके कारण अस्पष्ट होते. पोलिसांनी मृत महिलेचा पती सागर पवार याची झाडाझडती घेण्यास सुरुवात केल्यानंतर तो काहीतरी लपवत असल्याचा संशय पोलिसांना आला. पोलिसी खाक्या दाखवताच सागर पवारने आपणच पत्नीचा गळा दाबून खून केल्याचे कबूल केले. सागरने कुसबाला दिलेले पैसे तिने परस्पर तिची बहीण आणि भावाला दिले होते. ते पैसे ती परत करत नव्हती. शिवाय वारंवार खर्चाकरिता पैसे मागत होती. सागर याने दुसरे लग्न केले होते. त्यामुळे पहिली पत्नी कुसबा आपल्याला मानसिक त्रास देत असल्याच्या रागात तिचा खून केल्याचा कबुलीजबाब आरोपी सागर पवारने दिला आहे.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…