चित्रपटसृष्टीत मेकअप आर्टीस्ट असलेल्या तरुणीचा तिच्या लिव्ह इन पार्टनरनं त्याच्या पत्नीसोबत मिळून खून केल्यानं मोठी खळबळ उडाली आहे. नेना महत असं खून झालेल्या मेक अप आर्टीस्टचं नाव आहे. तर मनोहर शुक्ला असं मारेकरी लिव्ह इन पार्टनरचं नाव आहे. नायगावात खून केल्यानंतर या तरुणीचा मृतदेह सुटकेसमध्ये भरुन मारेकऱ्यांनी गुजरातमधील वापी परिसरात फेकल्याची माहिती पोलिसांनी दिली आहे. विशेष म्हणजे मारेकरी हा चित्रपटसृष्टीतच कॉस्च्युम डिझायनर असून गेल्या पाच वर्षापासून नेनासोबत लिव्ह इनमध्ये राहत असल्याची माहिती नेनाच्या बहिणीनं दिली आहे.
चित्रपटसृष्टीत मेकअप आर्टीस्ट असलेल्या नेना हिची कास्च्युम डिझायनर असलेल्या मनोहर शुक्लासोबत ओळख झाली होती. यातून ते दोघे गेल्या पाच वर्षापासून लिव्ह इन रिलेशनमध्ये राहत होती. मात्र या प्रकरणावरुन मनोहर शुक्ला आणि त्याच्या पत्नीत वाद होत होते. त्यामुळे या दोघा पती पत्नीनं नेनाचा खून केल्याची माहिती पोलिसांनी दिली आहे.
नेना महत या मेकअप आर्टिस्ट तरुणीचा खून केल्यानंतर मनोहर शुक्ला यानं पत्नीच्या मदतीने तो सुटकेसमध्ये भरला. त्यानंतर नेनाचा मृतदेह मारेकऱ्यांनी गुजरात राज्यातील वापी या शहरातील परिसरात फेकल्याची माहिती पोलिसांनी दिली. मारेकऱ्यांनी खुनाचा पुरावा नष्ट करण्यासाठी गुजरातमधील वापी शहरात नेना महतचा मृतदेह फेकल्याचंही पोलिसांनी सांगितलं.
नेना महत ही तरुणी चित्रपटसृष्टीत आल्यापासून कॉस्च्युम डिझायनर असलेल्या मनोहर शुक्लाला ओळखत होती. त्यानंतर या दोघात प्रेमसंबंध जुळून आल्यानंतर ते दोघे लिव्ह इन रिलेशनशीपमध्ये राहत होते. मात्र कॉस्च्युम डिझायनर मनोहर शुक्ला हा विवाहित होता. त्यामुळे मनोहर शुक्ला आणि त्याच्या पत्नीमध्ये नेनावरुन वारंवार भांडणं होत होती.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…