पालघर शहरातून गाडी भाड्याने घेऊन, गाडीच्या चालकाची हत्या करून गाडी घेऊन पोबारा केल्याचा खळबळ प्रकार पालघरमध्ये उघडकीस आला आहे.
पालघर येथील व्यावसायिक महेश यांच्याकडून चार जणांनी १२ ऑगस्ट रोजी सायंकाळी नाशिकला जाण्यासाठी म्हणून चार दिवसांसाठी भाड्याने आर्टिगा गाडी घेतली. महेश यांचा विश्वासू चालक आसिफ घाची हा गाडीसोबत गेला होता. मात्र, त्याच्याशी मोबाइलवर संपर्क होत नसल्याने पोलिसांत तक्रार करण्यात आली. परंतु मंगळवारी दुपारी चालक आसिफ याचा मृतदेह जव्हार व त्र्यंबकेश्वर यांच्या दरम्यान दरीमध्ये आढळून आल्याने खळबळ उडाली.
नाशिकच्या सिन्नरजवळील टोलनाक्यावरून ही गाडी पार झाल्याचे सीसीटीव्ही फुटेजमध्ये आढळले. मात्र, त्यात आसिफऐवजी वेगळीच व्यक्ती गाडी चालवत असल्याचे दिसून आले. या व्यक्तीच्या टोलनाक्यावरील कर्मचाऱ्यासोबत काही खाणाखुणा झाल्याचे सीसीटीव्हीत दिसत असल्याचा दावा आसिफचे काका सलीम घाची यांनी केला. त्र्यंबकेश्वर जवळील एका पेट्रोल पंपावरील फुटेजमध्येही या गाडीत दुसरीच व्यक्ती ड्रायव्हिंग करत असल्याचे दिसते. त्यामुळे पालघरहून नाशिककडे जाताना त्र्यंबकेश्वरच्या आधीच आसिफची हत्या करून त्याला दरीत ढकलून दिल्याचे सांगण्यात येते. या दोन्ही टोलनाक्यांवरील सीसीटीव्ही फूटेजमध्ये या गाडीत आणखी तिघे जण असल्याचे दिसून आले. यासंदर्भात महेश यांनी तसेच आसिफच्या नातेवाईकांनी पालघरच्या पोलीस ठाण्यात रीतसर तक्रार नोंदवली आहे.
मंगळवारी दुपारी मोखाडा व त्र्यंबकेश्वरच्या दरम्यान दरीमध्ये आसिफचे शव आढळून आले. गळ्याला दोरी बांधून त्याची हत्या करण्यात आली आहे. पोलिसांनी पंचनामा करून त्याचे शव ताब्यात घेतले असून ते शवविच्छेदनासाठी शासकीय रुग्णालयात पाठविण्यात आले आहे. या घटनेमुळे भाड्याने वाहने पुरवणाऱ्यांसह चालकांमध्ये भीतीचे वातावरण निर्माण झाले आहे.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…