शहरात गुन्हेगारीचे सत्र सुरूच असून नाशिकच्या उपनगर पोलीस ठाणे हद्दीत असलेल्या बोधले नगर परिसरात एका २१ वर्षीय युवकाचा हत्या झाल्याची घटना घडली आहे. रात्रीच्या सुमारास दुचाकीवर ट्रीपल सीट आलेल्या अज्ञात हल्लेखोरांनी युवकावर धारदार शस्त्राने हल्ला करीत त्याचा खून केला आहे. या घटनेने परिसरात एकच खळबळ उडाली आहे.
मिळालेल्या माहितीनुसार, शनिवारी रात्री आठ वाजेच्या सुमारास नाशिक-पुणे महामार्गावर असलेल्या बोधले नगर येथे ही घटना घडली. एका दुकानात काम करणारा युवक तुषार एकनाथ चौरे (२१ विनय नगर, नाशिक) हा त्याच्या काही मित्रांसोबत गप्पा मारीत बसला होता. त्यानंतर एका दुचाकीवर आलेल्या अज्ञात तीन युवकानी तुषारच्या दुचाकी लाथ मारीत खाली पाडली. तुषारवर धारदार हत्याराने हल्ला केला. त्यानंतर ते तिथून फरार झाले. या हल्ल्यात तुषार गंभीर जखमी झाला असता त्याला उपचारासाठी तात्काळ जिल्हा रुग्णालयात दाखल करण्यात आले. परंतु त्याला डॉक्टरांनी मृत घोषित केले.
युवकाची भर रस्त्यात धारदार शस्त्राने वार करत हत्या झाल्याने नाशिक शहर हादरले आहे. पूर्व वैमनस्यातून तुषारच्या ओळखीतील व्यक्तींनीच त्याची हत्या केल्याचा पोलिसांचा प्राथमिक अंदाज व्यक्त केला आहे. भर रस्त्यातच हत्येचा थरार घडल्याने परिसरातील नागरिकांमध्ये भीतीचे वातावरण पसरले आहे. रात्रीची वेळ असल्याने अज्ञात हल्लेखोरांची ओळख पटू शकलेली नसून दरम्यान घटना सीसीटीव्ही मध्ये कैद झाली आहे. या प्रकरणाचा पुढील तपास पोलीस करीत आहे. हत्येची घटना घडल्यानंतर तुषारचा मृतदेह जिल्हा रुग्णालयात आणण्यात आला होता. यावेळी मित्र आणि नातेवाईकांनी रुग्णालय परिसरात मोठ्या प्रमाणात गर्दी केल्याने काही काळ तणावाचे वातावरण निर्माण झाले होते.
अ‍ॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
