नागपूर शहरातील गोळीबार चौक येथील शिव भोजनालयात जेवण न दिल्याच्या कारणावरून चाकूने वार केल्याची धक्कादायक घटना समोर आली आहे. उधार जेवण देण्यास नकार दिल्याने एका मद्यधुंद तरुणाने हॉटेल मालकावर चाकूने हल्ला केला. या हल्ल्यात मालक गंभीर जखमी झाला असून त्याला उपचारासाठी मेयो रुग्णालयात दाखल करण्यात आले आहे. जखमीच्या तक्रारीवरून पोलिसांनी आरोपी प्रदीप निखारे (वय ३०,रा.मोचीपुरा, पाचपावली) याला अटक केली. ही घटना शुक्रवारी सकाळी अकरा वाजता गोळीबार चौकात घडली.
मिळालेल्या माहितीनुसार,शहरातील गोळीबार चौकामध्ये फिर्यादीचे शिव भोजनालय आहे.या भोजनालयाचे मालक विजय सुभाष पौनीकर (वय 50, रा. तांडापेठ, जुनी वस्ती पाचपावली) हे मागील दोन वर्षांपासून सकाळी शिवभोजन थाळीचे भोजनालय चालवतात आणि इतर वेळेत फोटो काढण्याचे काम करतात.
आरोपी प्रदीप नामदेव निखारे हा फिर्यादींच्या उपाहारगृहात जेवायला येत असल्यामुळे त्यांची चांगली ओळख होती. शुक्रवारी सकाळी प्रदीप दारू पिऊन त्यांच्या भोजनालयात आला. त्यावेळी प्रदीप याने माझ्याकडे पैसे नाहीत मला ऊधार जेवण द्या अशी मागणी केली. पौनीकर यांनी आधी पैसे द्या, पैसे दिल्यानंतर जेवण देतो असे सांगितले असता, आरोपीने त्यांच्याशी गैरवर्तन केले. त्यामुळे तेथील लोकांनी आरोपीचा पाठलाग केला.
मात्र, यामुळे दुखावलेल्या प्रदीपने बाहेर जाऊन थर्माकोल कटिंग कटर आणून पौनिकर यांच्यावर जीवघेणा हल्ला करत त्यांना गंभीर जखमी केले. शिवभोजन केंद्रावर लावण्यात आलेल्या सीसीटीव्ही कॅमेऱ्यात ही घटना कैद झाली आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
