लुडो खेळता-खेळता सूत जुळलं, जावई-सासूची लव्ह स्टोरी सुरु, भेटायला गेला अन् अनर्थ घडला…

लुडो खेळताना एका जावयाला आपल्याच चुलत विधवा सासूवर प्रेम जडलं. हा जावई गुपचूपपणे सासूला भेटायलाही जायचा. पण, ग्रामस्थांना याची माहिती झाली आणि मग या जावयासोबत धक्कादायक प्रकार घडला. त्याला वाटलं की रात्री अंधाराचा फायदा घेऊन आपल्या प्रेयसी सासूला भेटून येईल. मात्र, घडलं भलतंच.

संपूर्ण प्रकरण बिहारच्या जमुईच्या लक्ष्मीपूर पोलीस ठाण्याच्या हद्दीतील एका गावातील आहे. बुधवारी रात्री उशिरा हा तरुण आपल्या चुलत विधवा सासूला भेटण्यासाठी तिच्या माहेरीपोहोचला. रात्रीच्या अंधारात भेटायला आलेल्या जावयाला याची कल्पनाही नव्हती की स्थानिक तिच्या घरचे लोक त्याला पकडतील. पुढच्या काहीच वेळात ताच्यासोबत असं काही घडलं की त्याला चांगलीच अद्दल घडली. गावकऱ्यांनी त्याला ओलिस धरुन त्याला बेदम मारहाण केली. गंभीर जखमी झालेल्या जावयाला नंतर पोलिसांच्या ताब्यात देण्यात आले. त्यानंतर पोलिसांनी त्याला उपचारासाठी रुग्णालयात नेले.

जखमी तरुण बांका जिल्ह्यातील रहिवासी आहे. आरोपीचा विवाह जमुई जिल्ह्यातील हंसडीह गावात झाला होता. आरोपी तरुण करोनाच्या काळात लॉकडाऊनमध्ये लुडो खेळत असे. दरम्यान, तो त्याच्या चुलत विधवा सासूच्या प्रेमात पडला. तीव वर्षांपासून या दोघांमध्ये प्रेमसंबंध आहेत. बुधवारी रात्री उशिरा या जावयाने आपल्या प्रेयसीला भेटण्याचा निर्णय केला आणि तो लक्ष्मीपूर येथील सासूबाईंच्या गावी पोहोचला.

मात्र, रात्रीच्या अंधारात तो आपल्या सासूला भेटत असतानाच गावकरी आणि कुटुंबीय तेथे जमले. त्यानंतर ओलीस ठेवले आणि अनेक तास त्याला मारहाण करण्यात आली. नंतर गावकऱ्यांनीच त्याला लक्ष्मीपूर पोलिस ठाण्याच्या पोलिसांच्या ताब्यात दिले.