शेतामध्ये काम करत असताना अंगावर वीज पडून दोन जणांचा मृत्यू झाल्याची घटना परभणीच्या गंगाखेड तालुक्यातील उखळी खुर्द गावामध्ये घडली असतानाच आणखी एक धक्कादायक माहिती समोर आली आहे. परभणी जिल्ह्यातील पूर्णा तालुक्यात वीज पडून अजून दोन जणांचा मृत्यू झाला आहे. त्यासोबतच दोन बैलाच्या अंगावर वीज पडून त्यांचा देखील दुर्दैवी मृत्यू झाला आहे.
परभणीच्या सोनपेठ तालुक्यातील शेळगाव येथे दुपारच्या सुमारास मेघ गर्जनांसह अवकाळी पावसाने हजेरी लावली. यावेळी शेतामध्ये काम करत असलेल्या ओमकार भागवत शिंदे या १५ वर्षीय मुलाच्या अंगावर अचानक वीज कोसळली. घटना घडल्यानंतर ओमकारला उपचारासाठी रुग्णालयात दाखल करण्यात आलं. मात्र, उपचारादरम्यान त्याचा मृत्यू झाला. परभणी तालुक्यातील साडेगाव शिवारामध्ये अंगावर विज पडून बाबाजी केशव नाहातकर यांचा देखील मृत्यू झाला. तर द्वारकाबाई भागवत शिंदे यांच्या अंगावर वीज कोसळल्याने त्या जखमी झाल्या आहेत. त्यांच्यावर रुग्णालयामध्ये उपचार केले जात आहेत.
परभणीमध्ये अवकाळी पावसाने अक्षरशः थैमान घातलं असल्याने एकाच दिवसांमध्ये वीज पडून चार जणांचा मृत्यू झाला आहे. यासोबतच सोनपेठ तालुक्यातील तडी पिंपळगाव येथे शेतामध्ये बांधलेल्या दोन बैलाच्या अंगावर वीज कोसळल्याने बैलांचा मृत्यू झाला आहे. एकाच दिवशी वीज पडून परभणी जिल्ह्यातील चार जण जखमी आणि चार जणांचा मृत्यू झाला असल्याने हळहळ व्यक्त केली जात आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
