विटांची वाहतूक करणाऱ्या भरधाव वेगातील ट्रकने बाईकला जबर धडक दिली. या भीषण अपघातात ४ वर्षांच्या चिमुकल्यासह तिघे जण ठार झाले आहेत, तर एक महिला गंभीर रित्या जखमी झाली. लहानग्याला दवाखान्यात नेत असताना काळाने घाला घातला. ही दुर्घटना काल सायंकाळी बुलढाणा जिल्ह्यातील खामगाव तालुक्यातील बोरीअडगाव आंबेटाकळी रोडवर घडली.
बोरीअडगाव येथील हार्दिक रोहित वानखडे हा ४ वर्षीय मुलगा आजारी असल्याने गावातील जवान श्रीकांत अर्जुन सुरवाडे (वय २६ वर्ष) हा हार्दिकला दवाखान्यात नेत होता. त्याच्यासोबत हार्दिकची आई पूजा वानखडे (वय २६ वर्ष) व कल्पना शुद्धोधन सुरवाडे (वय ३४ वर्ष) या दोघी देखील होत्या. पल्सर बाईकने सर्व जण लाखनवाडा येथे जात होते.
दरम्यान बोरीअडगाव- आंबेटाकळी रोडवर त्यांच्या दुचाकीला विटांची वाहतूक करणान्या भरधाव वेगातील ट्रक (क्र. एमएच ०४ एफयु ९१७७) ने जबर धडक दिली. या अपघातात दुचाकीवरील चौघे गंभीररित्या जखमी झाले. यामुळे त्यांना प्रथम खामगाव व नंतर अकोला येथील रुग्णालयात नेण्यात आले.
अपघातातील गंभीर जखमी जवान श्रीकांत सुरवाडे, चार वर्षांचा चिमुकला हार्दिक रोहित वानखडे व कल्पना सुरवाडे या तिघांचा अकोला येथे मृत्यू झाला तर मुलाची आई पूजा वानखडे यांच्यावर उपचार सुरु आहेत. या घटनेने बोरीअडगाव येथे हळहळ व्यक्त होत आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…