ट्युशनसाठी निघालेल्या मुलीला रस्त्यात अडवून सोनसाखळी चोरणाऱ्या दोघांना पोलिसांना अवघ्या २४ तासांत अटक केली आहे. जनेंद्र नगरसिंगराव कोया आणि ऋषिकेश दळवी अशी अटक केलेल्या आरोपींची नावे असून दोघंही सराईत गुन्हेगार आहेत.
२२ फेब्रुवारीरोजी तरुणी ट्युशनसाठी जात असताना तिच्यामागून दोन तरुण चालत होते. त्याचवेळी त्यांनी तिचं ल७ नसल्याचे पाहून गळ्यातील आठ ग्रॅम वजनाची चेन खेचली,. भांबावलेल्या तरुणीने विरोध करण्याचा प्रयत्न केला मात्र ते तिला धक्का देत पळून गेले. या घटनेनंतर तरुणीनी तिच्या आईला घडलेला घटनाक्रम सांगितला. तिच्या आईने तातडीने पोलिस ठाण्यात धाव घेत पोलिसात तक्रार नोंदवली होती.
तरुणीने आणि तिच्या आईने दाखल केलेल्या तक्रारीनंतर गोरेगाव पोलिस ठाण्यात दोन अज्ञात चोरांविरोधात ३९२नुसार गुन्हा नोंद करुन तपास सुरु केला होता. पोलिसांनी जिथे घटना घडली तिथे जाऊन तपास सुरु केला. तसच, परिसरातील सीसीटीव्ही फुटेजची तपासणी केली असता त्यात आरोपींचा चेहरा स्पष्ट दिसत होता. सीसीटीव्ही फुटेजच्या माध्यमातून दोन्ही आरोपींची ओळख तपासल्यानंतर पोलिसांनी तपासकार्याला वेग दिला. सर्व तांत्रिक बाबींचा तपास करुन पोलिसांनी अवघ्या २४ तासांत दोन्ही आरोपींना बेड्या ठोकल्या आहे. २३ फेब्रुवारी रोजी गोरेगाव परिसरातून दोघांना अटक करण्यात आले.
दरम्यान, हे दोन्ही आरोपी सराईत असून यांच्यावर अनेक गुन्हे दाखल आहेत. मालाड, दहिसर, बांगूर नगर आदी पोलिस ठाण्यात घरफोडी आणि लूटीसारख्या गुन्ह्यांचा समावेश आहे. पोलिसांनी आरोपींना ताब्यात घेऊन मुद्देमाल हस्तगत केला आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…