शहराजवळील मोहाडी गावाजवळील एका शेतात काल अज्ञात इसमाचा गळा चिरून खून करण्यात आल्याची धक्कादायक घटना समोर आली होती. ज्या व्यक्तीचा खून करण्यात आला होता, त्याचे शीर धडापासून वेगळे करण्यात आले होते. अगदी क्रूर पद्धतीने करण्यात आलेल्या खुनाचा मोहाडी पोलिसांनी अवघ्या २४ तासाच्या आत छडा लावला असून यात २१ वर्षीय आरोपीला औरंगाबाद येथून अटक करण्यात आली आहे.
धुळे शहराजवळील मोहाडी परिसरात एका अज्ञात इसमाचा खून झाल्याची धक्कादायक घटना समोर आल्यानंतर मोहाडी पोलीस ठाण्याचे पोलीस अधिकारी घटनास्थळी दाखल झाले. या खुनाचा मोहाडी पोलिसांनी अवघ्या २४ तासाच्या आत छडा लावला असून या घटनेतील मयत सतीश बापू मिस्तरी (वय वर्ष २२) हा चेतन प्रताप गुजराती (वय वर्ष २१) याच्या बहिणीची छेड काढत असल्याच्या कारणावरून चेतन गुजराती याने सतीश मिस्तरी याचा निर्घृण खून केल्याची कबुली दिली आहे.
याप्रकरणी खुनातील मुख्य आरोपी चेतन प्रताप गुजराती या २१ वर्षीय आरोपीला औरंगाबाद येथून अटक करण्यात आली असून याच खूनातील दुसरा संशयित आरोपी विधी संघर्ष बालक याला देखील पोलिसांनी ताब्यात घेतले आहे. बहिणीची छेड काढण्याच्या रागातून मित्रानेच मित्राचा गळा चिरून खून केल्याच्या धक्कादायक घटनेचा छडा मोहाडी पोलिसांनी २४ तासांत लावला.
या घटनेतील मयत सतिश मिस्त्री याला आरोपी चेतन गुजराती याने दुपारी एक वाजेच्या सुमारास पार्टी करण्यासाठी बोलावून घेतलं. माझ्या बहिणीची छेड का काढतो, अशी विचारणा त्याने मयत सतिशला केली. त्यातून वादावादी होऊन आरोपीने रागाच्या भरात सतिशचा गळा चिरल्याची कबुली पोलिसांना दिली. या घटनेनंतरही सतिशला कोणताही पश्चाताप होत नव्हता.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…