पुण्यात गेल्या काही दिवसांपासू कोयता गँगने अक्षरश: धुमाकूळ घातला आहे. त्यातच आता आणखी एका गँगचा भयानक व्हिडिओ समोर आला आहे. पुर्ववैमन्यसातून येरवड्यात दोन टोळक्यांनी लक्ष्मीनगर परिसरात राडा घातला. या टोळक्याने तुफान दगडफेक करत बियरच्या बाटल्या घरावर आणि रस्त्यावर फेकल्या. एवढंच नाही तर हातात तलवारी आणि कोयते नाचवत दहशत निर्मा केली. या टोळक्याने एकाच्या डोक्यात कोयत्याने वार सुद्धा केला. या घटनेचा व्हिडिओ व्हायरल झाला आहे.
अब्दुल्ला आमीरउल्ला खान (वय.१९,रा.लक्ष्मीनगर, येरवडा) असे हल्ल्यात जखमी झालेल्या फिर्यादी तरुणाचं नाव आहे. त्यावरून पोलिसांनी चार अल्पवयीन मुलांवर हत्येचा प्रयत्न करणे, बेकायदा हत्यारे बाळगणे, दहशत माजवणे अशा कलमांखाली गुन्हे दाखल केले आहेत.
पोलिसांनी दिलेल्या माहितीनुसार, फिर्यादी अब्दुल्ला खान याचा मोबाईल गहाळ झाल्याने मित्र महेश मिश्रा आणि आयुष यांना सोबत घेऊन ते शनिवारी रात्री येरवडा पोलीस ठाण्यात तक्रार देण्यासाठी गेले होते. रात्री ११ च्या सुमारास तक्रार देऊन तिघे दुचाकीवरून घरी येत असताना गजराज हेल्थ क्लब समोरून त्यांच्या ओळखीचे काही मित्र त्यांचा दुचाकीवरून पाठलाग करू लागले.
त्यावेळी खान यांची दुचाकी घसरून ते तिघे खाली पडले. सर्व आरोपी अल्पवयीन मुलं त्यांच्याजवळ आले. त्यावेळी एका मुलाने “या कुत्र्याला आज सोडायचं नाही”, असं बोलून त्याच्या हातातील कोयत्याने जीवे मारण्याचा उद्देशाने खान याच्या डोक्यात दोन वेळा वार करून जखमी केले. त्यानंतर उर्वरित तीन अल्पवयीन मुलांनी खान याला लाकडी बांबूने जबर मारहाण केली. खान यांच्यासोबत असलेल्या महेश मिश्रा यांना देखील त्यातील एका मुलाने लाकडाने बेदम मारहाण केली. जीव वाचवून अब्दुल्ला खान जखमी अवस्थेत थेट येरवडा पोलीस ठाणे गाठले.
त्यानंतर आरोपी टोळक्यांनी हातात हत्यारे नाचवत परिसरात दहशत निर्माण केली. खान याला मारहाण केल्याचे समजताच दोन टोळक्यांनी एकमेकांवर आणि परिसरातील घरांवर, रस्त्यावर तुफान दगडफेक करून बियरच्या बाटल्या फोडल्या. यामुळे संतोष मित्र मंडळ आणि परिसरातील नागरिकांनी भयभीत होऊन घराचे दारं, खिडक्या बंद करून घेतल्या. रात्री १२ वाजता झोपण्याच्या वेळी हत्यारे नाचवणे, दगडफेक करणे आणि बाटल्या फोडल्याने नागरिकांमध्ये प्रचंड दहशत निर्माण झाली आहे. सहा महिन्यांपूर्वी सद्याच्या गुन्ह्यातील अल्पवयीन आरोपी यांनी फुटबॉल खेळण्याच्या वादातून फिर्यादी अब्दुल्ला खान यांना मारहाण केल्याचं देखील तक्रारीत नमूद केलं आहे.
दरम्यान, टोळक्याने केलेल्या कोयत्याच्या हल्ल्यात एक जण जखमी झाला आहे. पोलिसांनी सर्व गुन्हे दाखल केले आहेत. पोलिसांनी एकाला ताब्यात घेतलं असून फरार मुलांचा शोध सुरु आहे. या राड्यात सर्व आरोपी मुलं अल्पवयीन आहेत.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…