देशभरातून हैराण करणाऱ्या अनेक गोष्टी समोर येत असतात. अशा गोष्टी केवळ हैराणचं करत नाहीत, तर पोलीस आणि कायद्यासाठीही त्या गूढ ठरतात. असाच एक प्रकार जवळपास ८ वर्षांपूर्वी कोलकाता शहरातून समोर आला होता, ज्याने पोलिसही हैराण होते.
पश्चिम बंगालची राजधानी असलेल्या कोलकातामध्ये रॉबिसन्स नावाचा एक पॉश एरिया आहे. इथे ७७ वर्षीय अरबिंदा डे आपल्या मुलांसोबत राहत होते. त्यांचा पत्नीचं काही वर्षांपूर्वी निधन झालं होतं. त्यांचा मुलगा पार्थ अभ्यासात चांगला होता. तो काही वर्षांपूर्वी एका मोठ्या कंपनीत नोकरी करत होता. तर त्यांची मुलगी देबजानी शाळेत शिक्षिका म्हणून काम करत होती. त्यांच्या या कुटुंबात दोन पाळीव कुत्रेही होते.
घरातून अचानक येऊ लागला धूर…
११ जून २०१५ रोजी पोलिसांना रॉबिसन्स लेनमधील फ्लॅटमधून धूर येत असल्याचा कॉल आता होता. ज्या घरातून धूर निघत होता, ते घर अरबिंदो डे यांचं होतं. पोलीस घटनास्थळी दाखल झाले. पोलीस अरबिंदो यांच्या फ्लॅटमध्ये पोहोचले त्यावेळी घरातून दुर्गंध येत होता. त्यांच्या घरातील बाथरुमधून धूर येत होता. बाथरुमचा दरवाजा आतून बंद होता. पोलिसांनी बाथरुमचा दरवाजा उघडला आणि आत त्यांना भयंकर दृष्य दिसलं. बाथरुममध्ये जळलेला मृतदेह पडलेला होता. हा मृतदेह ७७ वर्षीय अरबिंदो डे यांचा होता.
पोलिसांनी बाथरुममधून मृतदेह बाहेर काढून तो शवविच्छेदनासाठी पाठवताना फ्लॅटच्या दुसऱ्या खोलीत आणखी एक मृतदेह आढळला. या मृतदेहाचा सांगाडा झाला होता. हा मृतदेह अरबिंदो यांच्या मुलीचा होता.
एकाच घरात दोन मृतदेह आढळल्याने पोलिसही हैराण होते, कारण सांगाड्यासारखा दिसणारा मृतदेह जवळपास सात-आठ महिन्यांपूर्वीचा होता. एक सांगाडा झालेला मृतदेह तर दुसरीकडे जळलेला मृतदेह सापडल्याने या प्रकरणाचं गूढ अधिकच वाढलं. हा प्रकार भयंकर असताना आणखी एक गोष्ट समोर आली ज्याने पोलिसांसमोर मोठा पेच निर्माण झाला. घरात तपास करत असताना पोलिसांना दोन पिशव्यांमध्ये काही हाडं मिळाली. ही हाडं काही प्राण्यांची असल्याचं समोर आलं. पोलिसांनी ही हाडं नंतर फॉरेंसिक तपासासाठी पाठवली.
या घरात अरबिंदो यांचा मुलगाच जिंवत होता. त्याला पोलिसांनी चौकशीसाठी ताब्यात घेतलं. पार्थने पोलिसांना चौकशीत सांगितलं, की तो सहा वर्षांपूर्वी मोठ्या कंपनीत काम करत होता, पण त्याच्या आईच्या मृत्यूनंतर त्याने ते काम सोडलं. तेव्हापासून तो घरातच राहत होता. त्याने सांगितलं बहीण देबजानीचं कुत्र्यांवर प्रेम होतं. पण काही दिवसांत त्यांच्या घरातील दोन्ही कुत्र्यांचा मृत्यू झाला. याचा बहिणीला मोठा धक्का बसला आणि तिने खाणं-पिणं सोडलं. त्यामुळे तिची तब्येत बिघडली. तिला स्वत:वर उपचारही करायचे नव्हते. यातच तिचं निधन झालं.
पोलिसांना पुढील चौकशीत पार्थचं त्याच्या बहिणीवर अतिशय प्रेम असल्याचं समजलं. तिच्या मृत्यूनंतर त्याने अंत्यसंस्कार केले नाहीत. ती जिवंत असल्याचं समजून तिचा मृतदेह बेडवर ठेवत होता. पोलिसांना ज्या बेडवर सांगाडा सापडला तिथे अन्न पडलेलं दिसत होतं. पोलिसांनी याबाबत विचारलं, त्यावेळी पार्थने तो त्याच्या बहिणीच्या आत्म्याला जेवण देत असल्याचं सांगितलं.
पार्थला नंतर डॉक्टरांकडे पाठवण्यात आलं आणि त्याची चौकशी करण्यात आली. पार्थ मानसिकरित्या आजारी होता. पोलिसांनी त्याच्या खोलीतून काही डायरी जप्त केल्या. त्याने डायरीमध्ये आपल्या आयुष्यातील दु:ख लिहिलं होतं. त्याची आई त्याला नंपुसक समजायची त्यामुळे तो दुखी होता. एका ठिकाणी त्याने असंही लिहिलं होतं, की त्याच्या बहिणीसोबत तो शहराबाहेर गेला होता. त्यावेळी त्याच्या बहिणनीने त्याच्याशी संबंध ठेवण्याचा प्रयत्न केला असल्याचा अनेक गोष्टी त्याने डायरीत लिहिल्या होत्या.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…