धाकट्याने आपल्यापूर्वीच प्रेमविवाह केल्याने सामाजिक बदनामी झाल्याची भावना मनात आली आणि त्यातूनच दोघांमध्ये शाब्दिक वाद झाला. तो विकोपाला गेला त्याचे पर्यवसान हाणामारीत होऊन थोरल्याने धाकट्या भावाचा धारदार शस्त्राने हल्ला चढवून खून केल्याचा धक्कादायक प्रकार घडला आहे.
नांदगाव खंडेश्वर तालुक्यातील लोणी पोलिस ठाण्याच्या हद्दीतील काजना येथे घडली. सुधीर चरणदास घरडे (२५, रा. काजना) असे मृताचे नाव आहे. या घटनेने परिसरात एकच खळबळ उडाली आहे.
याप्रकरणी सतीश उर्फ सचिन चरणदास घरडे (२७, रा. काजना) याच्याविरुद्ध खुनाचा गुन्हा दाखल करण्यात आला आहे. तक्रारीनुसार सुधीरने काही महिन्यांपूर्वीच प्रेमविवाह केला. थोरला भाऊ सचिनला ते पटले नाही. त्यावरून सचिन हा धाकटा भाऊ सुधीरसोबत नेहमी वाद घालत असायचा. याच कारणावरून दोघा भावांमध्ये घरासमोरच वाद झाला. या वादात सचिनने सुधीरवर धारदार शस्त्राने हल्ला चढविला. सुधीर रक्ताच्या थारोळ्यात खाली कोसळला.
त्यानंतर सचिन घटना स्थळावरून पसार झाला. हा प्रकार सुधीरची पत्नी कशीश (१९) हिच्या ध्यानात आल्यावर त्यांनी नातेवाइकांच्या मदतीने सुधीरला तातडीने प्राथमिक आरोग्य केंद्र व तेथून अमरावती जिल्हा सामान्य रुग्णालयात दाखल केले. मात्र, डॉक्टरांनी सुधीर यांना मृत घोषित केले. त्याच्या पोटात दोन वार केल्याने त्याचा मृत्यू झाल्याची माहिती पोलिसांनी दिली असून आरोपीच्या शोधात पोलिसांनी दोन पथक रवाना केले आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
