पती-पत्नीने राहत्या घरी विष प्राशन करुन आत्महत्या केल्याची घटना चिपळूणमध्ये घडली आहे. येथील अलोरे चेंबरी याठिकाणी हा धक्कादायक प्रकार घडला आहे. संजय सदा निकम (वय ३३ वर्षे) आणि सोनाली संजय निकम (वय २५ वर्षे) असे आत्महत्या केलेल्या पती-पत्नीची नावं आहेत.
संजय निकम याच्या पहिल्या पत्नीचा मृत्यू झाल्यानंतर त्याने सोनाली हिच्याशी प्रेमविवाह केला होता. आज दुपारी दोघेही मजुरीचे काम करून आपल्या घरी आले आणि त्यांनी जेवणातून विष घेऊन ते झोपी गेले होते. सायंकाळी बकऱ्या चरायला घेऊन गेलेली आजी घरी परतल्यानंतर त्यांनी या दोघा नवरा-बायकोला झोपेतून उठवण्याचा प्रयत्न केला. परंतु ते कोणताच प्रतिसाद देत नसल्याने त्यांनी आजूबाजूच्या लोकांना बोलावलं.
त्यानंतर या दोघांनी आत्महत्या केल्याचे उघडकीस आले. या संपूर्ण घटनेबाबत मृत पती-पत्नीच्या आजी यांनी रात्री उशिरा शिरगाव पोलीस स्थानकामध्ये तक्रार करण्यासाठी धाव घेतली आहे. हे दोघेही पती-पत्नी शेतावरून काम करून आले त्यानंतर दुपारच्या सुमारास हा प्रकार घडल्याचं सांगितलं जात आहे.
दरम्यान या दोन्ही मृतदेहांना कामथे पोलीस ठाण्यात आणले असून या घटनेचे वृत्त कळताच अलोरे शिरगाव पोलीस ठाण्याचे सहाय्यक पोलीस निरीक्षक संदीप पाटील यांनीही कामथे रुग्णालयात या सगळ्या घटनेची माहिती घेऊन पुढील कार्यवाहीसाठी दाखल झाले आहेत. दरम्यान, या इतके टोकाच पाऊल उचलत आत्महत्या करण्यामागचं नेमकं कारण अद्याप समजू शकलेलं नाही.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…