शिराळा येथून एक अत्यंत हृदयद्रावक घटना समोर आली आहे. आपल्या मुलांना वाचवण्याच्या प्रयत्नात एका मातेने आपला जीव गमावला आहे. शिराळा येथील तडवळे येथे घरासमोर उभा केलेला ट्रॅक्टर उतारावरुन घसरुन रस्त्यावर खेळत असलेल्या दोन मुलांच्या अंगावर जात होता. मात्र, तेवढ्यात त्यांची आई त्यांना वाचवण्यासाठी धावून आली. मात्र, मुलांना वाचवण्यासाठी धावताना या आईचा पाय घसरला आणि ट्रक्टरला जोडलेला नांगराचा फाळ थेट तिच्या डोक्यात घुसला. त्यानंतर उपचारादरम्यान या आईचा मृत्यू झाला.
मुलांना वाचवण्याच्या प्रयत्नात आईचा मृत्यू
मुलांना वाचवताना या आईने जीव गमावल्याने दोन मुलं पोरकी झाली आहेत. संचिता संपत पाटील (वय २८) असं या आईचं नाव आहे. तडवळे येथे पाटील कुटुंब राहतं. संपत पाटील यांनी त्यांच्या मालकीचा ट्रॅक्टर रोजप्रमाणे घरासमोर रस्त्याच्या कडेला उभा केला होता. दुपारच्या सुमारास संचिता या अंगणातील गोठा स्वच्छ करत होत्या आणि त्यांची दोन्ही मुलं कृषांत (वय २) आणि दुर्वा (वय ४) ही रस्त्यावर खेळत होती.
रस्त्याच्या कडेला ट्रॅक्टर उभा होता
यादरम्यान, रस्त्याच्या कडेला उभा असलेला ट्रॅक्टर अचानक सरकला आणि तो रस्त्यावर खेळणाऱ्या मुलांच्या दिशेने जाऊ लागला. हे लक्षात येताच संचिता यांनी आरडाओरड केली आणि थेट त्या मुलांना वाचवण्यासाठी धावल्या. मात्र, यावेळी अचानक धावताना त्यांचा पाय घसरला आणि त्या ट्रॅक्टरच्या मागे जोडलेल्या नांगराच्या फाळावर जाऊन पडल्या.
नांगराचा फाळा आईच्या डोक्यात घुसला
यामध्ये नांगराचा फाळा त्यांच्या डोक्यात घुसला. त्यानंतर तो ट्रॅक्टर थांबला पण संचिता या गंभीर जखमी झाल्या. जेव्हा संचिता या आरडाओरड करत धावल्या तेव्हा त्यांचे शेजारी देखील धावले आणि त्यांनी मुलांना रस्त्यातून बाजूला केलं. त्यानंतर संचिता यांना तात्काळ रुग्णालयात दाखल करण्यात आलं. मात्र, उपचारादरम्यान त्यांचा मृत्यू झाला.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…