शाळेमध्ये जाताना आधी अल्पवयीन मुलीची छेड काढली. त्यानंतर घरात कोणी नसल्याचे पाहून बळजबरीने अल्पवयीन मुलीला लग्नाची मागणी घातली. आणि तिच्या भांगेत बळजबरीने कुंकू लावत तिची छेडछाड काढण्यात आली. ही घटना परभणीच्या पालम तालुक्यातील रामापूर येथे घडली. या प्रकरणी एका आरोपी विरोधात बाल लैंगिक अत्याचार प्रतिबंधक कायद्यानुसार पालम पोलीस ठाणे येथे गुन्हा दाखल करण्यात आला आहे. ज्ञानेश्वर लक्ष्मण फुगनर असे गुन्हा दाखल झालेल्या आरोपीचे नाव आहे. गुन्हा दाखल झाल्यानंतर पालम पोलिसांनी आरोपीला ताब्यात घेतले आहे. घटनेचा अधिक तपास फौजदार सुप्रिया केंद्रे करत आहेत.
पालम तालुक्यातील बनवस येथील एका शाळेत पीडित १३ वर्षीय अल्पवयीन मुलगी शिकते. ती शाळेत जात असताना रामापूर येथील ज्ञानेश्वर लक्ष्मण फुगनर (वय २० वर्षे) याने तिची छेड काढली. तरीही सदर मुलीने भितीपोटी घरी कोणालाही सांगितले नव्हते. परंतु मंगळवारी घरी कोणी नसल्याचे पाहून आरोपी ज्ञानेश्वर फुगनर हा मुलीच्या घरी गेला. तेव्हा ‘तू माझ्यासोबत लग्न कर, नाही म्हटलीस तर तुला पळून नेऊ’ अशी धमकी फुगनर याने पीडित मुलीला दिली. यावेळी आरोपीने बळजबरीने पीडित मुलीच्या डोक्यात लग्नाच्या मागणीचे कुंकू भरत तिची छेडछाड करण्यास सुरुवात केली.
पीडित मुलीने आरडा केल्यानंतर तिची बहीण घरात आली. तेव्हा आरोपी ज्ञानेश्वर फुगनर याने घरातून पळ काढला. त्यानंतर पीडित मुलीने हा प्रकार घरातील इतर सदस्यांना सांगितला. मग बुधवारी पालम पोलीस ठाणे गाठून पीडित मुलीने फिर्यादी दिली. त्यावरून पालम पोलिसांनी आरोपी ज्ञानेश्वर फुगनर याच्यावर बाल लैंगिक अत्याचार प्रतिबंधक कायद्यानुसार गुन्हा दाखल केला. गुन्हा दाखल होताच पोलीस निरीक्षक प्रदीप काकडे यांच्या मार्गदर्शनाखाली आरोपीच्या शोधात पथक पाठवण्यात आले. त्यात आरोपीची माहिती मिळाल्यानंतर फौजदार सुप्रिया केंद्रे यांनी आरोपी ज्ञानेश्वर फुगनर याला रामपूर येथून अटक केली. आधिक तपास फौजदार सुप्रिया केंद्रे करीत आहेत.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…