नातींना भेटण्यासाठी आलेल्या आजोबांनी अल्पवयीन मुलीचा विनयभंग केल्याचा आरोप होत आहे. परभणी जिल्ह्यातील गंगाखेड शहरामध्ये कस्तुरबा गांधी बालिका विद्यालयात ही धक्कादायक घटना घडल्याचं समोर आलं आहे. या प्रकरणी अल्पवयीन मुलीने गंगाखेड पोलीस ठाण्यात दिलेल्या तक्रारीवरून आरोपीच्या विरोधात गुन्हा दाखल करण्यात आला आहे.
संबंधित प्रकार घडल्यानंतर गंगाखेड पोलीस ठाण्याचे पोलीस निरीक्षक सुनील माने, प्राथमिक शिक्षणाधिकारी विठ्ठल भुसारे यांनी कस्तुरबा गांधी बालिका विद्यालयाला भेट देऊन पाहणी केली आहे. या घटनेमुळे निवासी शाळेतील मुली सुरक्षित आहेत का असा प्रश्न उपस्थित केला जात आहे.
गंगाखेड तालुक्यातील गौंडगाव येथील रहिवासी असलेल्या आरोपीच्या नाती गंगाखेड शहरातील कस्तुरबा गांधी बालिका विद्यालयात शिक्षण घेतात. याच ठिकाणी असलेल्या निवासी वसतिगृहामध्ये त्या वास्तव्यास आहेत.
आरोपी आपल्या नातींना भेटण्यासाठी आले असता त्यांनी कस्तुरबा गांधी बालिका विद्यालयामध्ये शिक्षण घेत असलेल्या गावातीलच इयत्ता दहावीच्या वर्गात शिकणाऱ्या विद्यार्थिनीला त्यांनी जवळ बोलून घेतले. त्यानंतर वाईट उद्देशाने हात धरुन आपला विनयभंग केल्याचा आरोप तिने केला आहे. हा प्रकार घडल्यानंतर घाबरलेल्या मुलीने याची माहिती शाळेतील शिक्षकांना दिली.
त्यानंतर शिक्षकांनी घटनेचं गांभीर्य ओळखून गंगाखेड पोलीस ठाणे गाठले. त्यांनी दिलेल्या तक्रारीवरून आरोपीच्या विरोधात गुन्हा दाखल करण्यात आला आहे. गुन्हा दाखल होताच गंगाखेड पोलीस ठाण्याचे पोलीस निरीक्षक सुनील माने यांनी कस्तुरबा गांधी बालिका विद्यालयाला भेट देऊन पाहणी केली आहे. या ठिकाणी असलेल्या सीसीटीव्ही कॅमेऱ्याची तपासणी केली जाणार आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…