ताज्याघडामोडी

वडिलांचा अपघात झाल्याचं सांगत अल्पवयीन मुलीला घेऊन गेला, घडली धक्कादायक घटना…

वडिलांचा अपघात झाला आहे असं सांगून अल्पवयीन मुलीला १९ वर्षीय तरुण घेऊन गेला. यानंतर त्याने रस्त्यात एका बांधकाम सुरू असलेल्या एका इमारतीत तिच्यावर अत्याचार केला. अत्याचार करणाऱ्या या आरोपी तरुणाला अकोल्याचे विशेष जिल्हा व सत्र न्यायाधीश व्ही. डी. पिंपळकर यांच्या न्यायालयाने दोषी ठवरलं. अल्पवयीन पीडितेच्या लैंगिक शोषण केल्याचा ठपका त्याच्यावर ठेवण्यात आला. त्याला आजन्म कारावासाची शिक्षा ठोठावण्यात आली. सैय्यद नदीम सैय्यद असद असं आरोपीचं नाव आहे.

पीडित अल्पवयीन मुलगी २६ ऑगस्ट २०२१ ला संध्याकाळी रस्त्यावरून जात असताना आरोपी सैय्यद नदीम सैय्यद असद याने तिला गाठले. तुझ्या वडिलांचा अपघात झाला आहे आणि घरचे सर्व लोक तिथे गेले आहेत. तु माझ्यासोबत चाल, अशी बतावणी करून अकोला शहरापासून १२ किमी अंतरावरील बार्शीटाकळी इथे बांधकाम सुरू असलेल्या एकांत ठिकाणी नेलं. तिथं कोणीही नाही, असं लक्षात आल्यानं पीडितेनं इथं का आणलं? असं विचारलं. तुझ्यासोबत लग्न करायचं आहे. अपघात झाला नाही, मी खोटी माहिती दिली, असं आरोपीने तिला सांगितलं. पीडितेने त्याला नकार दिला. यानंतर आरोपीने तिला वायरने मारहाण केली आणि तिच्यावर अत्याचार केला. रात्रभर तिथेच ठेऊन दुसऱ्या दिवशी सकाळी अकोला रेल्वे स्थानकावर आणले. पीडितेच्या भावाने त्यांना तिथं पाहिलं. यावेळी आरोपी तिला घटनेबाबत वाच्चता केल्यास जिवे मारण्याची धमकी दिली आणि तिथून पळून गेला. पीडितेच्या भावाने तिला घरी आणले आणि तिने घडलेला प्रसंग घरच्यांना सांगितला.

पीडितेच्या तक्रारीवरून सैय्यद नदीम सैय्यद असदवर कलम ३६३, ३६६, ३७६, ३२३, ५०६ व पोक्सो कायद्यांतर्गत कलमांनुसार गुन्हा नोंदवण्यात आला. त्यानंतर याचा खटला न्यायालयात सुरू झालाय. सरकार पक्षाकडून ९ साक्षीदारांच्या साक्षी नोंदवण्यात आल्या. बचाव पक्षाकडून ३ साक्षीदारांच्या साक्षी पुरावे सादर करण्यात आले. विशेष जिल्हा व सत्र न्यायाधीश व्ही. डी. पिंपळकर यांच्या न्यायालयाने अल्पवयीन पीडितेच्या लैंगिक शोषण केल्या प्रकरणी आरोपीला दोषी ठरवले. विविध कलमांमध्ये एकूण दंड १ लाखा १६ हजार रूपये, दंड न भरल्यास ३ महिने अतिरिक्त शिक्षा, कलम ३६३ – ७ वर्षे रू ५ हजार, ३६६ – १० वर्षे रू ५ हजार दंड, ३७६(३) – आजीवन कारावास ५० हजार रूपये दंड, ३२३ – १ वर्षे १ हजार रूपये दंड, ५०६ – ७ वर्षे रू ५ हजार दंड, पॉक्सो कायदा कलम ३-४ – आजीवन कारावास आणि ५० हजार दंड अशा सर्व शिक्षा आरोपीस एकत्र भोगावयाच्या आहेत. सरकार तर्फे सहाय्यक सरकारी अभियोक्ता किरण खोत यांनी बाजू मांडली. तर प्रकरणाचा तपास पीएसआय संजिवनी पुंडगे यांनी केला.

Team : aaplapandharpur.com

Recent Posts

भूमिपुत्रांना गावातच काम देण्यासाठी कटिबद्ध राहू !

तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…

17 hours ago

काशीपीठाचे जगद्गुरु डॉ. मल्लिकार्जुन विश्वाराध्य शिवाचार्य महास्वामीजींचे पालकमंत्री चंद्रकांत पाटील यांनी घेतले आशीर्वाद

लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…

4 days ago

सोलापुरात जिल्ह्यातील वीरशैव लिंगायत समाजाची बैठक संपन्न

राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…

6 days ago

काँग्रेसने त्यांच्या कार्यकाळात कायम जातीपातीचे राजकारण केले-आ.सुभाष देशमुख

आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे  मोदींच्या हाती पुन्हा देशाची सत्ता…

1 week ago

पंढरपुरात प्रणिती शिंदे यांची ‘मास्टर ऑफ इलेक्शन मॅनेजमेंट’ हिम्मत आसबे यांच्या निवासस्थानी भेट

सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली  मागील काही महिन्यात राज्यात  भाजप  ४५…

1 week ago

भाजपने पद्मशाली समाजासाठी काहीही केले नाही – प्रणिती शिंदे

'*पद्मशाली समाजाने दिला प्रणिती शिंदेंना जाहीर पाठिंबा' भाजपच्या दोन्ही खासदारांनी मागील १० वर्षात पद्मशाली समाजासाठी…

2 weeks ago