सावत्र आईने केलेल्या मारहाणीत साडे तीन वर्षांच्या चिमुकल्याचा मृत्यू झाल्याची धक्कादायक घटना डोंबिवली येथे घडली. डोंबिवलीत घडलेल्या एका घटनेमुळे शहर हादरून गेले आहे.
मारहाणीमुळे झालेल्या जखमांमुळे चिमुकल्याचा मृत्यू झाल्याचे स्पष्ट झाल्यानंतर सावत्र आईला पोलिसांनी अटक केली आहे.चिमुकल्याला मारहाण करणाऱ्या निर्दयी महिलेचं नाव अंतिमादेवी असे आहे. या प्रकरणी टिळक नगर पोलीस ठाण्यात अंतिमा देवी विरोधात गुन्हा दाखल करत तिला अटक केली आहे. अंतिमादेवी कायमच सावत्र मुलांना मारहाण करत असे.
डोंबिवली पूर्वेकडील गोग्रासवाडी परिसरात संजय जयस्वाल हे पत्नी अंतिमादेवी व आपल्या मुलांसह राहतात. अंतिमा ही त्यांची दुसरी पत्नी असून मुलगा कार्तिक हा पहिल्या पत्नीपासून झालेला मुलगा आहे. चहा विक्रीचा व्यवसाय करत संजय आपल्या कुटुंबाचा उदरनिर्वाह करतो.अंतिमादेवी ही नेहमी सावत्र मुलगा कार्तिक आणि त्याच्या भावाला मारहाण करायची. काल दुपारी तीनच्या सुमारास किरकोळ कारणावरून तीने साडेतीन वर्षाच्या कार्तिकला लाथा बुक्क्यांनी आणि वायरने बेदम मारहाण केली. या जबर मारहाणीत कार्तिक बेशुद्ध पडला.
बेशुद्ध झाल्यानंतर कार्तिकला केडीएमसीच्या शास्त्रीनगर रुग्णालयात दाखल केले गेले. परंतु कार्तिकची प्रकृती गंभीर असल्याने त्याला उपचारासाठी कळवा येथील रुग्णालयात दाखल केले . मात्र उपचारापूर्वीच त्याचा मृत्यू झाला. याप्रकरणी टिळक नगर पोलीस ठाण्यात कार्तिकला अमानुषपणे मारहाण करुन त्याच्या मृत्यूस कारणीभूत ठरलेल्या अंतिमादेवी विरोधात गुन्हा दाखल करण्यात आला आहे. टिळक नगर पोलिसांनी अंतिमादेवीला अटक केली आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…