एक मद्यधुंद व्यक्ती ट्रेनमध्ये एका 30 वर्षीय महिलेची छेडछाड करत होता. यावेळी महिलेचा नऊ वर्षांचा मुलगाही तेथे उपस्थित होता. यावेळी या महिलेने त्या व्यक्तीस विरोध केल्यावर आरोपीने महिलेला चालत्या ट्रेनमधून फेकून दिले. या घटनेत महिलेचा जागीच मृत्यू झाला. गुन्हा केल्यानंतर आरोपीने देखील ट्रेनमधून उडी मारली. पोलिसांनी याप्रकरणी आरोपीला अटक केली आहे. आरोपी जखमी झाला असून, त्याला रुग्णालयात दाखल करण्यात आले आहे.
हरियाणाच्या फतेहाबाद जिल्ह्यातील तोहाना शहराजवळ ही घटना घडली. पोलिसांनी सांगितले की, ट्रेनच्या डब्यात फक्त तीन प्रवासी होते. मनदीप कौर असे मृत महिलेचे नाव आहे. आरोपी मंचला नरवाना येथून ट्रेनमध्ये चढला होते. तो दारूच्या नशेत होता. महिला एकटी प्रवास करत असल्याचे पाहून आरोपीने तिच्यावर अतिप्रसंग करण्याचा प्रयत्न केला. यावेळी महिलेने विरोध केल्याने त्याने महिलेला मारहाण करण्यास सुरुवात केली. यानंतर आरोपीने महिलेला ट्रेनमधून ढकलले आणि स्वतः उडी मारली. हे दृश्य पाहून महिलेचा मुलगा रडू लागला.
मनदीप कौरचे पती हरजिंदर यांनी सांगितले की, त्यांची पत्नी गेल्या काही दिवसांपासून माहेरी राहत होती. 1 सप्टेंबर रोजी रात्री ती ट्रेनने तोहाणा येथे परत येत होती. तोहानापासून सुमारे 15 ते 20 किमी अंतरावर आल्यावर महिलेने तिच्या पतीला फोन केला आणि सांगितले की ती स्टेशनवर पोहोचणार आहे, त्यामुळे पत्नीला आणण्यासाठी ते स्टेशनवर पोहोचले. हरजिंदर स्टेशनवर पत्नी आणि मुलाची वाट पाहत होता. ट्रेन थांबली पण, मुलाला रडताना पाहून हरजिंदरने विचारले की आई कुठे आहे? यावेळी मुलाने घडलेला प्रकार वडिलांना सांगितला.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…