आज एकनाथ शिंदे सरकार बहुमत चाचणीला सामोरे जात होते आणि शिवसेना पक्षप्रमुख उद्धव ठाकरे त्याच शिंदे गटावर शिवसेना भवनात आसूड ओढत होते. “लढायचे असेल तर सोबत राहा. भाजपाचा शिवसेनेला संपवण्याचा डाव आहे. असे खेळ खेळण्यापेक्षा जनतेच्या न्यायालयात जाऊ. त्यांच्यात हिम्मत असेल तर त्यांनी मध्यावधी लावावी, मग पाहू, असं थेट आव्हान उद्धव ठाकरे यांनी एकनाथ शिंदे यांच्या गटाला दिलं.
उद्धव ठाकरे यांनी आज शिवसेना भवनात शिवसेना जिल्हाध्यक्षांच्या बैठकीला संबोधित केलं. यावेळी त्यांनी बंडखोर आमदारांवर जोरदार हल्लाबोल केला. तसेच भाजपच्या इराद्यावरही शरसंधान साधलं. “गेल्या अनेक वर्षांपासूनचा शिवसेना संपविण्याचा भाजपचा डाव आहे. पण ही शिवसेना कधीच संपणार नाही. मराठी माणसांच्या न्याय हक्कांसाठी नेहमी लढत राहिन. ज्यांना लढायचं असेल त्यांनी सोबत राहा. आपण जनतेच्या न्यायालयात जाऊ”, असं उद्धव ठाकरे म्हणाले.
“भाजपचं राजकारण म्हणजे शिवसेनेला संपविण्याचा डाव आहे. जर त्यांच्यात हिम्मत असेल तर मध्यावधी निवडणुका घ्याव्यात, मग आपण पाहू. हा सगळा खेळ खेळण्याऐवजी आपण जनतेच्या दरबारात जाऊ. आपची चूक असेल तर जनता सांगेल. त्यांची चूक असेल तर जनता त्यांना घरी पाठवेल. भाजपच्या राजकारणा आपण सडेतोड प्रत्युत्तर देऊ” असा इरादा उद्धव ठाकरे यांनी बोलून दाखवला.
विधानसभा मनमानी पद्धतीने चालवणे हा संविधानाचा अवमान आहे. राज्यात जे काही घडतंय, ते खरंच बाबासाहेब आंबेडकरांच्या घटनेला धरुन आहे का? यावर घटनातज्ज्ञांनी जरुर बोलावं, आपली मतं मांडावीत, लोकशाहीचा वाचली पाहिजे, असा हा लढा आहे. त्यामुळे घटनातज्ज्ञांनी जरुर भूमिका घ्यावी, असं आवाहन उद्धव ठाकरे यांनी केलं.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…