बिहारच्या कैमूरमध्ये एका व्यक्तीने धारदार शस्त्राने पत्नीचा गळा चिरून पळ काढला. घडलेल्या प्रकाराबद्दल माहिती मिळताच पोलिसांनी मृतदेह शवविच्छेदनाला पाठवून पुढील प्रकरणाचा तपास करण्यास सुरूवात केली.पोलिसांनी हत्येच्या अवघ्या 36 तासांमध्ये आरोपी व त्याच्या प्रेयसीला अटक करून गुन्ह्याची उकल करण्यात आली.
आपल्या अवैध संबंधाना पत्नीचा विरोध असल्याकारणाने मी तिची हत्या केली, असे आरोपीने पोलिसांसमोर कबूल केले. मोहनिया पोलीस ठाण्याच्या हद्दीत येणाऱ्या बघिनी गावातील ही घटना आहे. 15 एप्रिल रोजी आरोपी जनक चौधरी त्याच्या बायकोला घेऊन बांसवाडी भागात गेला होता. तिथे त्याने बायकोची गळा चिरून हत्या केली. या प्रकाराची माहिती जनकच्या घरच्यांना कळताच, जनकच्या आईचा हृदयविकाराच्या झटक्याने मृत्यू झाला.
मोहनिया पोलीस उपअधीक्षक फैज अहमद खान यांनी सांगितले की, एफआयआर नोंदवल्यानंतर पोलिसांनी आरोपीचा मोबाईल तपासला होता. यामध्ये पोलिसांना दिसून आलं होतं की जनक चौधरी खून करण्यापूर्वी आणि खुनानंतर एका महिलेशी फोनवर बराच वेळ बोलला होता. पोलिसांच्या तांत्रिक तपासाच्या आधारे जनकला रोहतास जिल्ह्यातील दालमियानगर येथे अटक केली.
त्याने फोनवरून केलेल्या संभाषणाच्या आधार पोलिसांनी त्याला साथ देणाऱ्या त्याच्या प्रेयसीलाही भभुआ रोड रेल्वे स्थानकाजवळ अटक केली. तपासादरम्यान दोघांनी आपल्या गुन्ह्याची कबुली दिली. जनक चौधरी याचे विवाहबाह्य संबंध होते, त्यात बायको अडसर ठरत असल्याने त्याने बायकोचा खून करायचं ठरवलं होतं. प्रेयसीसाठी बायकोला ठार मारणाऱ्या जनकला 3 मुलं आहेत अशी माहिती पोलिसांनी दिली आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…