जमिनीच्या वादातून बीड जिल्हाधिकारी कार्यालय परिसरात असणाऱ्या मुद्रांक आणि नोंदणी कार्यालयात शुक्रवारी सकाळी अकरा वाजता गोळीबार झाला. या गोळीबारात दोघे जण जख्मी झाले.
जखमींना तातडीने जिल्हा रूग्णालयामध्ये दाखल करण्यात आले. घटनास्थळाचा ताबा पोलिसांच्या पथकाने घेतला आहे. वरिष्ठ पोलीस अधिकाऱ्यांनी घटनास्थळी धाव घेतली.
बीडच्या जिल्हाधिकारी कार्यालय परिसरात असणाऱ्या मुद्रांक नोंदणी कार्यालयामध्ये शुक्रवारी सकाळी अकरा वाजता जमिनीच्या वादातून गोळीबाराची घटना घडली. या गोळीबारात सतिश बबन क्षीरसागर (30, लक्ष्मण नगर, बीड), फारूक सिद्दीकी (28, जालना रोड, बीड) हे दोघे जखमी झाले आहेत. दोघांच्याही पायाला गंभीर दुखापत झाली.
त्यांना तातडीने बीडच्या जिल्हा रूग्णालयात उपचारासाठी दाखल करण्यात आले. गोळीबाराच्या घटनेचे वृत्त शहरामध्ये वाऱ्यासारखे पसरले. या घटनेची माहिती मिळताच पोलीस अधीक्षक आर. राजा, अपर पोलीस अधीक्षक सुनील लांजेवार, उपअधिक्षक संतोष वाळके, प्रशिक्षणार्थी पोलीस अधीक्षक रश्मीता राव यांनी घटनास्थळी धाव घेतली. दंगल नियंत्रण पथक दाखल झाले.
मुद्रांक आणि शुल्क कार्यालय परिसर पोलिसांनी ताब्यात घेतला. या घटनेचा तपास पोलीस प्रशासन करत आहे. अत्यंत गजबजलेल्या या ठिकाणी सकाळी अकरा वाजता गोळीबार झाल्याने शहरात खळबळ उडाली आहे. जिल्हाधिकारी कार्यालयाबाहेर मोठी गर्दी झाली होती. जमिनीच्या वादातून ही घटना घडली आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
