चाळीसगाव तालुक्यातील बोरखेडा येथील 27 वर्षीय तरूणाने कौटुंबिक वादातून आपल्या 2 चिमुकल्यांसह धावत्या रेल्वेसमोर उडी घेऊन आत्महत्या केली. ही धक्कादायक घटना नगरदेवळा रेल्वेस्थानकावर घडली.
जितेंद्र दिलीप जाधव (रा. बोरखेडा ता. चाळीसगाव), चिराग जाधव (6) आणि खुशी जाधव (4) अशी मृतांची नावे आहेत.पोलिसांनी दिलेल्या माहितीनुसार, चाळीस गाव तालुक्यातील बोरखेडा येथील जितेंद्र हा पत्नी पूजा आणि दोन मुलांसह रहात होता. चाळीसगाव येथील जे.जे. आण्णा टॉवर या मक्तेदाराकडे जेसीबी चालक म्हणून काम करत होता.
जाधव पती-पत्नीमध्ये गेल्या अनेक महिन्यांपासून कौटुंबिक वाद सुरू होता. याच वादातून पूजा हिने तिचा भाऊ भूषण, काका सुधाकर व काकू यांना चाळीसगाव यांच्यासह ग्रामीण पोलीस स्टेशनमध्ये जितेंद्र विरुद्ध तक्रार दाखल केली होती. त्यांनतर पूजा ही भाऊ, काका आणि काकुंसोबत माहेरी निघून गेली आणि जितेंद्र हा दोघ मुलांसोबत बोरखेडा येथे आपल्या मुळगावी आला होता.
रविवारी सकाळी 8 वाजेच्या सुमारास जितेंद्रने चिराग व खुशी दोन्ही मुलांना सोबत घेतले व गावाबाहेर पडला. बोरखेडा येथील बसस्थानकावरील हॉटेलवर त्याने मुलांना पाववडे खाऊ घातले. त्यानंतर ते दिसेनासे झाल्याने जितेंद्र याचा भाऊ व वडिलांना शंका आल्याने त्यांचा शोध घेणे सुरू केले. अखेर नगरदेवळा रेल्वेस्थानकावर जवळ तिघांचे मृतदेह दिसून आला. सचखंड एक्सप्रेस धावत्या रेल्वेसमोर जितेंद्रने दोन्ही चिमुकल्याने घेऊन आत्महत्या केली.
घटनेची माहिती पाचोरा येथील रेल्वे स्थानकावरील रेल्वे पोलिसांना मिळताच पोलीस उपनिरीक्षक शब्बीर शेख, हेड कॉन्स्टेबल मधुसूदन भावसार व प्रविण वाघ यांनी पंचनामा केला. या प्रकरणी रेल्वे पोलिसात अत्महत्येचे गुन्हा दाखल करण्यात आला आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…