पत्नीवर वाकडी नजर टाकल्याने एका माणसाने आपल्याच मित्राची गोळी घालून हत्या केल्याची धक्कादायक घटना उत्तर प्रदेशमध्ये घडली. या घटनेमुळे कानपूर हादरून गेले असून पोलिसांनी आरोपीला ताब्यात घेतले आहे.
भैरोघाट येथे ही घटना घडली. विपिन निगम असे अरोपीचे तर सुनिल सिंह असे मृत माणसाचे नाव आहे. दोघेही चांगले मित्र होते. मात्र पत्नीबद्दल सतत घाणेरडे वाक्य बोलणे तसेच वाईट नजर टाकल्यामुले विपिनने हे टोकाचे पाऊल उचलले. पोलीस या प्रकरणी सखोल चौकशी करत आहेत.
मिळालेल्या माहितुसार विपिन निगम याच्या घरी पिशव्या तयार करण्याचा कारखाना आहे. तो कानपूरमधील जुही येथे वास्तव्यास आहे. या ठिकाणी शुभम सिंह नावाचा व्यक्ती काम करतो. तर मूळचे आंबेडकरनगरमधील बसैहा येथील सुनिल सिंह हे शुभमचे मामा आहेत. सुनिल सिंह हे शुभम सिंह याला नेहमी भेटायला यायचे.
याच काळात सुनिल आणि विपिन यांच्यात मैत्री झाली. नंतर हे दोघेही सोबत दारु प्यायला जायचे. मात्र सुनिल विपिनच्या पत्नीवर सतत घाणेरड्या कमेंट्स करायचा. तसेच त्याच्या पत्नीवर वाकडी नजर टाकायचा. याबाबत विपिनने सुनिल याला समज दिली होती. पण तो ऐकायला तयार नव्हता.
शनिवारी सुनिल सिंह नेहमीप्रमाणे विपिनच्या घरी गेला. येथे दोघांनीही सोबत दारू पिली. याच वेळी सुनिलने विपिनच्या पत्नीबद्दल घाणेरडे बोलणे सुरु केले. त्यानंतर दोघांमध्येही वाद झाले, मात्र सुनिलने त्याचे ऐकले नाही. रागात आलेल्या विपिनने नंतर देवदर्शन घेण्याच्या बहाण्याने सुनिलला घाटावर नेले. येथेच रविवारी पहाटे 3.30 वाजता विपिनने सुनिलवर गोळी झाडली. या हल्ल्यात सुनिलचा जागेवरच मृत्यू झाला.
दरम्यान, घाटावरच भल्या पहाटे हत्या झाल्यानंतर येथे एकच खळबळ उडाली. घाटावरील पूजाऱ्यांनी विपिनला पकडून पोलिसांच्या ताब्यात दिले. याबाबत मृताच्या कुटुंबीयांनी वेगळाच आरोप केला आहे. दोघांमध्ये एक प्रॉपर्टी विकून मिळणाऱ्या कमिशनबाबत वाद सुरु होता. त्यामुळे ही हत्या झाली, असे मृताच्या कुटुंबीयांनी म्हटले आहे. पोलीस या प्रकरणाचा तपास करत आहेत.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
