पंढरपूर शहरानजीक असलेल्या वाखरी हद्दीत रेनॉल्ट कार कंपनीचे शोरुम असून दिनांक २० जानेवारी २०२२ रोजी दुपारी साडेबाराच्या सुमारास रेनल्ट क्वीड गाडीमधुन आलेल्या इसमाने त्याची गाडी शोरुमचे समोर लावुन गाडीतुन एक अंदाजे 3 ते 4 फुट लांबीचा लोखंडी पाईप घेवुन शोरूम मध्ये प्रवेश करत तुम्ही मला बाहेरच्या गाडीची चावी द्या नाहीतर मी शोरुम मधील गाड्या व काचा फोडणार आहे अशी धमकी दिली.या बाबत सदर शोरूम मध्ये कामावर असलेले नवनाथ हणमंत पवार यांनी तुमची काय अडचण आहे अशी विचारणा केली असता सन 2018 मध्ये आपल्या शोरुममधुन रेनल्ट क्वीड गाडी घेतली असुन चार वर्षे झाली अद्याप पर्यंत माझी गाडी आर.टी.ओ. कडे नोंदणी झालेली नाही असे कारण सांगितले.
रेनल्ट कंपणीचे बिझनेस हेड अंकुर प्रताप सिंग यांना फिर्यादीने फोन लावुन संदेश ज्ञानदेव आसबे रा. शेळवे ता. पंढरपूर हे शोरुममध्ये आले असुन त्यांची रेनल्ट क्वीड गाडी चार वर्षापासुन नोंदणी झालेली नसल्याने ते सदर गाडी शोरुममध्ये लावुन मला नवीन गाडीची चावी द्या मी नवीन गाडी घेवुन जाणार आहे असे म्हणत आहेत असे हि बाब कानावर घातली.
यावेळी बिझनेस हेड अंकुर प्रताप सिंग यांनी फोनवरुन तुम्ही आर. टी. ओ. यांचा कर भरा तुम्हाला तुमची गाडी नोंदणी करुन देतो असे असता सदर कोणताही टक्स भरणार नाही तुम्ही मला माझी गाडी आहे तशीच नोंदणी करुन द्या संदेश ज्ञानदेव आसबे यांनी अशी मागणी केल्याचे नमूद करण्यात आले आहे.यानंतर सदर आसबे यांनी नवीन गाडीची चावी मागितली असता फिर्यादीने देण्यास नकार देत सोबत आणलेल्या लोखंडी पाईपने शोरुममधील एक काचेचा टेबल व एक काचेचा बोर्ड फोडुन अंदाजे 10,000/- रु चे नुकसान करुन बळजवरीने माझ्या पन्टच्या खिशातील निळ्या रंगाची रेनल्ट कायगर गाडीची चावी घेवुन बाहेर लावलेली गाडी घेवुन गेला आहे.अशा आशयाची फिर्याद पंढरपूर ग्रामीण पोलीस ठाण्यात दाखल करण्यात आली आहे.
सदर प्रकरणी शेळवे तालुका पंढरपूर येथील कार मालकाने रेनॉल्ट कंपनीच्या पंढरपुरातील शोरूम मध्ये तोडफोड केली व दुसरी कार घेऊन गेला अशा आशयाची फिर्याद येथील कर्मचाऱ्याने दाखल केली असली तरी प्रत्यक्षात या घटनेमागील अधिक वास्तव हे पोलीस तपासात पुढे येईल अशी अपेक्षा व्यक्त केली जात आहे.
