बीडमध्ये आरटीओ कार्यालयात आलेल्या वाहनचालकाकडे त्याचं काम पूर्ण करण्यासाठी लाच मागणं एका खासगी एजंट आणि अधिकाऱ्याला चांगलंच महागात पडलं आहे.
फिटनेस प्रमाणपत्र देण्यासाठी प्रतिवाहन पाचशेप्रमाणे चार वाहनांसाठी दोन हजार रुपयांची लाच मागणी करणाऱ्या वाहन निरीक्षकासह एजंटास लाचलुचपत प्रतिबंधक विभागाच्या पथकाने बेड्या ठोकल्या आहेत. दरम्यान एसीबीच्या कारवाईने एआरटीओतील लाचखोरी चव्हाट्यावर आली आहे.
रविकिरण नागनाथ भड असे मोटार वाहन निरीक्षकाचे नाव असून प्रवीण सीताराम गायकवाड हा खासगी एजंट आहे. संबंधित प्रकरण हे 16 सप्टेंबर 2021 चे आहे. एका व्यक्तीच्या चार वाहनांच्या फिटनेस (योग्यता) प्रमाणपत्रासाठी प्रत्येकी 500 रुपये लाचेची मागणी वाहन निरीक्षक रविकरण भड याने एजंट प्रवीण गायकवाडमार्फत केली होती.
त्यानंतर संबंधित वाहनचालकाने त्याच दिवशी एसीबीकडे तक्रार केली होती. त्यानुसार एसीबीच्या अधिकाऱ्यांनी तक्रारदारास सोबत घेऊन लाच मागणी पडताळणी केली असता वाहन निरीक्षक भड याने लाचेची रक्कम एजंट गायकवाड याच्याकडे देण्यास सांगितल्याचं निषपण्ण झालं होतं. दरम्यान, त्यानंतर दोनवेळा सापळा लावण्यात आला. पण संशय आल्याने वाहन निरीक्षक भड याने लाच स्वीकारली नव्हती. त्यामुळे फक्त लाच मागणीचा गुन्हा नोंद झाला.
संबंधित घटनेनंतर समाजसेवक शेख बक्शु यांनी इथल्या लाचखोरीची तक्रार एसीबीसह थेट मुख्यमंत्र्यांकडे केल्यानंतर खळबळ उडाली. लाचलूचपत प्रतिबंधक विभागाने आज सकाळी सापळा रचून या प्रकरणात चार वाहनांचे प्रत्येकी पाचशे रुपये प्रमाणे दोन हजार रुपयांची लाच स्वीकारताना खासगी व्यक्ती गायकवाड याला ताब्यात घेतले.
तर सहायक मोटार वाहन निरीक्षक रविकिरण नागनाथ भड यास थेट उमरगा चेकपोस्टवरून आज पहाटे ताब्यात घेतले. त्याच्या बीड आणि बार्शी तालुक्यातील मूळगावी एसीबीने छापे टाकून चौकशी सुरू केली आहे. या घटनेने आरटीओ कार्यालयातील लाचखोरात प्रचंड खळबळ उडाली आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
