नाशिक येथील सिडको परिसरात एक धक्कादायक घटना उघडकीस आली आहे. येथील एका 24 वर्षीय नवविवाहितेनं इमारतीच्या टेरेसवरून उडी घेत आयुष्याचा शेवट केला आहे.
ही घटना समोर येताच परिसरात खळबळ उडाली असून अंबड पोलिसांनी घटनास्थळी धाव घेतली आहे. घटनास्थळाचा पंचनामा केला असता, विवाहितेनं आत्महत्येपूर्वी लिहिलेली सुसाईड नोट पोलिसांना सापडली आहे. या प्रकरणी पोलिसांनी गुन्हा दाखल केला असून घटनेचा पुढील तपास केला जात आहे.
प्रियांका पगारे असं आत्महत्या करणाऱ्या 24 वर्षीय नवविवाहितेचं नाव असून ती सिडको परिसरातील खटवडनगर येथील कृष्णा अपार्टमेंटमधील रहिवासी आहे. प्रियांका हिने रविवारी सकाळी इमारतीच्या चौथ्या मजल्यावरून उडी घेत जीवनाचा शेवट केला आहे. आत्महत्येची ही घटना उघडकीस येताच परिसरात एकच खळबळ उडाली आहे. आसपासच्या अनेक नागरिकांनी घटनास्थळी गर्दी केली होती.
घटनेची माहिती मिळताच अंबड पोलिसांनी घटनास्थळी धाव घेतली. घटनास्थळाचा पंचनामा केला असता पोलिसांना सुसाईड नोट सापडली आहे. ‘आई, मला माफ कर, माझ्या आत्महत्येसाठी कुणालाही जबाबदार धरू नये’ असा उल्लेख पीडित महिलेनं सुसाईड नोटमध्ये केला आहे.
मृत प्रियांका यांनी नेमक्या कोणत्या कारणातून आत्महत्या केली? याची कोणतीही माहिती अद्याप समोर आली नाही. अंबड पोलिसांनी आकस्मिक मृत्यूची नोंद केली असून घटनेच्या तपासाला सुरुवात केली आहे. भल्या सकाळी घडलेल्या या घटनेनं परिसरात खळबळ उडाली आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
