पुण्यातील येरवडा परिसरातून एक धक्कादायक घटना समोर आली आहे. सराईत गुन्हेगाराला पकडण्यासाठी गेलेल्या पोलिसांच्या पथकावर येरवड्यात जमावाकडून हल्ला करण्यात आला आहे. येरवड्यातील कोतेवस्तीमध्ये ही घटना घडली आहे. जमावाने हल्ला केल्यानंतर पोलिसांनी देखील आपल्या संरक्षणासाठी हवेत गोळीबार केला. या घटनेमध्ये एका पोलीस अधिकाऱ्यासह अन्य काही पोलीस कर्मचारी जखमी झाल्याची माहिती समोर येत आहे. गुरुवारी रात्री उशीरा हा प्रकार घडला आहे.
सराईत गुन्हेगाराकडून नागरिकांना त्रास
घटनेबाबत अधिक माहिती अशी की, येरवडा येथील सराईत गुन्हेगार शक्ती सिंह हा परिसरातील नागरिकांना त्रास देत होता. नागरिकांनी त्याच्याविरोधात येरवडा पोलीस ठाण्यात तक्रार दिली होती. तक्रार मिळताच पोलीस त्याला पकडण्यासाठी गुरुवारी रात्री कोतेवस्ती परिसरात आले.
मात्र आरोपी शक्ती सिंह याला पकडण्यासाठी आलेल्या पोलिसांच्या पथकावर जमावाने अचानक हल्ला केला. अचानक हल्ला झाल्याने पोलीस देखील गोंधळून गेले. पोलिसांनी आपल्या संरक्षणासाठी हवेत गोळीबार केला. जमावाच्या हल्ल्यामध्ये एका अधिकाऱ्यासह अन्य काही पोलीस कर्मचारी जखमी झाले आहेत.
…म्हणून झाला पोलिसांवर हल्ला
पोलीस आपल्याला पकडण्यासाठी येत असल्याची माहिती शक्ती सिंह याला आधीच होती. त्याने आपल्या समाजातील नागरिकांना पोलिसांविरोधात भडकावले. सिंह याचे ऐकून स्थानिक नागरिकांनी पोलिसांवर हल्ला केला. या हल्ल्यामध्ये काही पोलीस जखमी झाले. परिस्थिती नियंत्रणाबाहेर जात असल्याचे पाहून पोलिसांनी हवेत गोळीबार केला. गोळीबार केल्यानंतर जमाव पांगला व पोलिसांनी अखेर आरोपी शक्ती सिंह याला अटक केली.
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
'*पद्मशाली समाजाने दिला प्रणिती शिंदेंना जाहीर पाठिंबा' भाजपच्या दोन्ही खासदारांनी मागील १० वर्षात पद्मशाली समाजासाठी…
आगामी लोकसभा निवडणुकीच्या पार्श्वभूमीवर १ मार्चपासून दररोज १०० कोटी रुपये जप्त करण्यात आल्याची माहिती भारतीय…