कर्वेनगरमधील चितळे दुकानाजवळ एका तरुणावर धारदार शस्त्रांनी वार करून त्याचा खून केल्याची घटना रविवारी सायंकाळी साडेपाचच्या सुमारास घडली आहे. याप्रकरणी अलंकार पोलीस ठाण्यात हत्येचा गुन्हा दाखल करण्याचं काम सुरू आहे. अनिल राजेंद्र जाधव (वय २०, रा. डहाणूकर कॉलनी, कोथरूड) असं खून झालेल्या तरुणाचं नाव आहे.
अनिल जाधव हा याला दोन बहिणी असून एक कर्वेनगर येथे राहते, तर दुसरी डहाणूकर कॉलनी परिसरात राहते. अनिल याचा सोमवारी साखरपुडा होता. तो त्याच्या बहिणीला लक्ष्मीनगर परिसरातील एका हॉटेलमध्ये सोडण्यासाठी आला होता. बहिणीला सोडून जात असताना ताथवडे उद्यान परिसरातील देवेश चितळे दुकानाजवळ दोन ते तीन अज्ञात हल्लेखोरांनी अनिल याला अडवलं आणि त्याच्यावर धारदार शस्त्रांनी वार केले.
या हल्ल्यात अनिल हा गंभीर जखमी झाला. हल्ला झालेला परिसर हा उच्चभ्रू असून या ठिकाणी वर्दळ असते. अनिल हा रक्ताच्या थारोळ्यात पडल्यानंतर हल्लेखोर पसार झाले. नागरिकांनी तत्काळ घटनेची माहिती पोलिसांना दिली. माहिती मिळताच अलंकार व गुन्हे शाखेचे पोलीस तत्काळ घटनास्थळी दाखल झाले. या हल्ल्यात अनिल याचा मृत्यू झाला असून घटनेनंतर परिसरात दहशत निर्माण झाली होती.
दरम्यान, अनिल याचा सोमवारी साखरपुडा होता. त्याच्या अगोदरच त्याचा खून झाल्याने जाधव कुटुंब हादरून गेलं आहे. या तरुणाच्या खुनामागील नेमकं कारण अद्याप स्पष्ट झालं नसून पोलीस अधिक तपास करत आहेत.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
