जावयाचा खून करून सासऱ्याने केली आत्महत्या

मुलीला मारहाण का करतोस, का त्रास देतोस असे म्हणून सासऱ्याने जावयाचा खून केला. त्यानंतर स्वतः लॉजच्या तिसऱ्या मजल्यावर जाऊन गळफास लावून घेऊन आत्महत्या केली.

या प्रकरणी अधिक माहिती अशी की, शहरातील नवीन रेणापूर नाका भागामध्ये साईधन लॉजवर खून करण्यात आल्याची माहिती पोलीसांना मिळाली. घटनास्थळी पोलीस पोहचल्यानंतर उमेश रमेशराव देशमुख (वय 37) रा.कातपूर याचा मृतदेह पोलीसांना आढळून आला तर मयताचा चुलत सासरा शिवाजी दगडू शिंदे (वय 49) याचाही मृतदेह आढळून आला. मयत उमेश रमेशराव देशमुख हा शिवाजी शिंदे चालवत असलेल्या साईधन लॉजवर आला.

तो आल्यानंतर त्यांनी दारू पिली. मुलीला मारहाण करतो, का त्रास देतो यावरुन दोघात बाचाबाची झाली आणि शिवाजी शिंदे यांनी उमेश देशमुख याचा खून केला. दरम्यान स्वतः त्यांनी लॉजच्या तिसऱ्या मजल्यावर जाऊन आत्महत्या केली. या प्रकरणी विवेकानंद चौक पोलीस ठाण्यात गुन्हा दाखल करण्यात आला असून दोन्ही मृतदेह शवविच्छेदनासाठी विलासराव देशमुख शासकीय विज्ञान संस्थेच्या रुग्णालयात पाठवण्यात आले आहे.