अल्पवयीन मोलकरणीवर अत्याचार केल्याप्रकरणी मुंबई पोलिसांनी २५ वर्षीय अभिनेत्रीला अटक केली आहे.
मोलकरणीला कामावर येण्यास उशीर झाल्यामुळे अभिनेत्रीने अल्पवयीन मोलकरणीला सँडलने मारहाण केली. अल्पवयीन मुलीचा छळ केल्याप्रकरणी पोलिसांनी या अभिनेत्रीवर गुन्हा दाखल केला आहे.
याप्रकरणी मुंबई पोलिसांनी दिलेल्या माहितीनुसार, उशीरा कामावर येऊन वेळेवर काम पूर्ण न केल्यामुळे अभिनेत्रीने या अल्पवयीन मुलीवर हल्ला केला. ही संशयित आरोपी अभिनेत्री मुंबईतील वर्सोवा परिसरात राहते, त्यामुळे वर्सोवा पोलिसांनी तिला अटक केली आहे.
विशेष म्हणजे ही अभिनेत्री तिच्या वर्सोवा फ्लॅटमध्ये एकटीच राहते, परंतु तिने पीडित मुलीवर अनेकदा अत्याचार केले आहेत. नीट काम करत नसल्याचे सांगत तिला अभिनेत्रीने मारहाण केली आहे. पीडितेने आतापर्यंत कधीही याबद्दल तक्रार केली नव्हती, परंतु यावेळी अभिनेत्रीने तिला मारहाण केली तसेच फोटो व व्हिडिओसाठी तिचे कपडे काढण्यास सांगितले.
दरम्यान, पीडितेचे म्हणणे आहे की, तिला आरोपी अभिनेत्रीने सँडलने मारहाण केली, तर तिच्या कपाळावरही जखम झाली आहे. त्यामुळे पीडितेला उपचारासाठी रुग्णालयात पाठवण्यात आले आहे.
पीडितेची जखम पाहून तिच्या बहिणीने तिला विचारले, त्यानंतर अल्पवयीन मुलीने सर्व काही सांगितले, त्यानंतर पोलिसात तक्रार दाखल करण्यात आली. तसेच या संदर्भात असेही सांगण्यात येत आहे की, अभिनेत्रीला माहीत होते की, ती ज्या मुलीला घरकामासाठी ठेवत आहे ती अल्पवयीन आहे, त्यानंतरही तिला काम करायला लावले होते. आता अभिनेत्रीला सोमवारपर्यंत पोलीस कोठडीत राहावे लागणार असल्याचे पोलिसांनी सांगितले.
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
'*पद्मशाली समाजाने दिला प्रणिती शिंदेंना जाहीर पाठिंबा' भाजपच्या दोन्ही खासदारांनी मागील १० वर्षात पद्मशाली समाजासाठी…