कामाचा अतिरीक्त ताण असह्य झाल्याने आणि वरिष्ठ अधिकाऱ्यांच्या जाचाला कंटाळून एरंडोल येथील भूमी अभिलेख कार्यालयातील कर्मचाऱ्याने विष प्राशन करून आत्महत्या केल्याची घटना घडली आहे. या कर्मचाऱ्याने २३ नोव्हेंबर रोजी एरंडोल येथे विष प्राशन केलं होतं.
उपचार सुरू असताना आज शुक्रवारी दुपारी त्यांचा मृत्यू झाला. संजय नामदेव पाटील (वय ५२, रा. चाळीसगाव) असं मृत कर्मचाऱ्याचं नाव आहे. विष घेण्यापूर्वी त्यांनी भूमी अभिलेख अधीक्षकांकडे आत्महत्येस परवानगी द्या, असा अर्ज केला होता.
मृत संजय पाटील यांचा मुलगा प्रशांत याने याबाबत आज माहिती दिली. त्यानुसार, वडील एरंडोल येथील भूमापक कार्यालयात निमतानदार पदावर काम करत होते. सन २०१९ पासून वरिष्ठ अधिकारी कामाचा अतिरिक्त दबाव टाकत असल्याने संजय पाटील तणावात काम करायचे. मोजणीचे काम त्यांचे नव्हते. त्यांना कार्यालयात डेटा एण्ट्रीचे काम देणं अपेक्षित होतं.
मात्र, त्यांच्याकडून मोजणीचे काम देखील करुन घेतले जात होते. डेटा एण्ट्रीच्या कामाचाही ताण होता. याबाबत त्यांनी कुटुंबाना देखील कल्पना दिली होती. त्रास असह्य झाल्यामुळे त्यांनी २३ नोव्हेंबर रोजी कार्यालयातच विष प्राशन केले. उपचार सुरू असताना शुक्रवारी त्यांचा मृत्यू झाला.
या घटनेनंतर कार्यालयातील एकाही अधिकाऱ्याने पाटील यांची चौकशी केली नाही, असा आरोपही मृत पाटील यांच्या मुलाने केला आहे. वडिलांच्या मृत्यूस जबाबदार चारही अधिकाऱ्यांवर गुन्हा दाखल करुन त्यांना अटक करावी, अशी मागणी प्रशांत व त्याचे मामा शांताराम पाटील यांनी केली आहे.
कुटुंबियांचा आक्रोश
पाटील यांच्या मृत्यूनंतर कुटुंबाने मोठा आक्रोश केला. संबधितांना अटक होत नाही, तोपर्यंत मृतदेह ताब्यात घेणार नाही असा पवित्रा कुटुंबियांनी घेतला होता. मृत पाटील यांच्या पश्चात मुलगा पत्नी रजनी, मुलगा प्रशांत, मुली अश्विनी व प्रियंका असा परिवार आहे. पाटील हे चाळीसगाव शहरात राहत होते. ते दररोज चाळीसगाव येथून एरंडोलला कामासाठी जात.
अर्ज लिहून दिली होती माहिती
संय पाटील यांनी आत्महत्या करण्याची परवानगी मिळण्याचा अर्ज केला होता. त्या अर्जात म्हटल्याप्रमाणे आर. व्ही. जाधव, व्ही. एल. सोनवणे, व्ही. एल. पाटील आणि ठाकूर या चार अधिकाऱ्यांनी त्यांना छळले होते. त्यांच्या कामाचा भाग नसताना देखील भूमापन मोजणी, गावठाण मोजणी, अपील, कोर्ट, भूसंपादन या कामासांठी वापरले. व्ही. एल. पाटील यांनी काम काढून घेतल्यानंतर बाजूला सारले. ‘मला न्याय द्या’ अशी आर्त हाक त्यांनी या निवेदनातून व्यक्त केली होती. निवेदनावर काही कार्यवाही होण्याच्या आतच त्यांनी आत्महत्या केली.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
